− Shymkent qalasynyń ózinde 30 myńnan astam múmkindigi shekteýli azamat ómir súrýde. Solarǵa kómek kórsetý − bizdiń basty maqsatymyz. Múgedek jandardy jan-jaqty qoldap, olardyń problemalaryn oń sheshýge atsalysýymyz kerek. Oǵan búgin Shymkenttegi zamanaýi úlgide ashylyp otyrǵan halyqqa áleýmettik-pedagogikalyq qyzmet kórsetýdiń biregei ortalyǵy óz úlesin qosady degen úmittemin, − dedi Janseiit Qanseiituly.
Búgingi tańda ortalyq qyzmetin 700 adam tiimdi paidalanyp otyr. Atap aitar bolsaq, munda júike júiesi-nevrologiialyq aýytqýy bar balalar men tirek-qozǵalysy buzylǵan múgedek jetkinshekter em-dom alady. Sondai-aq I jáne II-toptaǵy múgedekterge jáne jasy tolýyna bailanysty ózin-ózi qamtamasyz ete almaityn jandarǵa jan-jaqty kómek kórsetiledi. Ortalyqta pediatr, terapevt, nevropatolog, psihiatr, travmatolog-ortoped, orta dárejeli meditsina qyzmetkeri , tárbieshiler, defektologtar, ádisker, logoped jáne psiholog syndy bilikti mamandar jumys isteidi.
Munan soń oblys ákimi Shymkent qalasyndaǵy 110 oryndyq bóbekjai-balabaqshasynyń qurylysyn ornyna baryp, irgetasyna estelik kapsýlasyn saldy. «Otau Group» kompaniiasynyń jeke qarjysyna salynatyn ǵimarat keler jyly dál osy mezgilde el igiligine beriletin bolady. Bul nysan tirek-qimyl fýnktsiialary buzylǵan jáne psihikalyq damýy shekteýli balalarǵa arnalyp arnaiy salynyp jatyr. Iaǵni osy baǵytta jumys isteitin № 17 «Dostyq» jáne №37 «Aigerim» balabaqshalaryna syiǵa tartylmaq.
Aita keteiik, Shymkent qalasynda 385 mektepke deiingi mekemeler jumys istese, onyń ishinde 7 arnaýly bóbekjai balabaqshasy bar.
OQO ákiminiń baspasóz qyzmeti
