OQO-da «Jasyl el» baǵdarlamasymen 1275 jas jumyspen qamtylady
Jastardyń bos ýaqytyn tiimdi paidalanýyna jaǵdailar jasaý jaiyn baiandaǵan basqarma basshysy 2017 jylǵa respýblikalyq biýdjetten 63,1 mln. teńge qarjy bólinip, 1275 jas sarbaz kezeń kezeńimen kógaldandyrý jumystaryna tartylǵanyn aitsa, maýsym aiynda 205 jas jumyspen qamtylǵanyn jetkizdi.
« «Jasyl el» eńbek lagerlerine tartylatyn jastardyń basym bóligi M.Áýezov atyndaǵy OQMÝ, Ońtústik Qazaqstan memlekettik pedagogikalyq institýtynyń jáne Shymkent agrarlyq kolledji stýdentteri bolsa, aýdan, qalalarda kóbinese jumyssyz jas azamattar tartylýda. Olardyń ortasha eńbek jalaqysy 60-65 myń teńge kóleminde»,- dedi spiker.
Budan ózge jazǵy eńbek lagerine qatysýshy jastarǵa arnaiy kiim fýtbolka, beisbolka, jazǵy shalbar men kúrteshe jáne aiaq kiim beriledi eken.
Sonymen qatar, basqarma basshysy jazǵy stýdenttik qurylys otriadtary boiynsha aýdan, qalalarda salynyp jatqan qurylys nysandarynda 424 jas eńbek etip jatqanyn málim etti.
«M.Áýezov atyndaǵy OQMÝ qurylys mamandyǵy boiynsha bilim alyp jatqan 200-ge jýyq stýdent Qazyǵurt aýdany men Túlkibas aýdanyndaǵy arnaiy indýstriialdyq aimaqta óndiristik praktikadan ótýde. Jalpy oblystaǵy 12 joǵary oqý oryndarynyń altaýynda kásiptik jáne óndiristik bilim berý mamandyqtarynda oqityn1106 stýdent oblystaǵy 64 kásiporyndar men zaýyt-fabrikalarda óndiristik praktikadan ótýde», - dedi B.Narbekova.
Jalpy jastardyń bos ýaqytyn tiimdi paidalanýyn uiymdastyrýda basqarma tarapynan kóptegen jumystar uiymdastyrylýda.Solardyń biri barlyq aýdan, qalalardaǵy ortalyqtar janynan qurylǵan "Eriktiler mektebi».Bugingi tańda oblys boiynsha 4 myńnan astam erikti jastar bar.Olardyń tikelei qatysýymen jyl basynan beri 300-den astam qaiyrymdylyq is-sharalar, aqparattyq túsindirý jumystary uiymdastyrylǵan.
