جاستاردىڭ بوس ۋاقىتىن ءتيىمدى پايدالانۋىنا جاعدايلار جاساۋ جايىن بايانداعان باسقارما باسشىسى 2017 جىلعا رەسپۋبليكالىق بيۋدجەتتەن 63،1 ملن. تەڭگە قارجى ءبولىنىپ، 1275 جاس سارباز كەزەڭ كەزەڭىمەن كوگالداندىرۋ جۇمىستارىنا تارتىلعانىن ايتسا، ماۋسىم ايىندا 205 جاس جۇمىسپەن قامتىلعانىن جەتكىزدى.
« «جاسىل ەل» ەڭبەك لاگەرلەرىنە تارتىلاتىن جاستاردىڭ باسىم بولىگى م.اۋەزوۆ اتىنداعى وقمۋ، وڭتۇستىك قازاقستان مەملەكەتتىك پەداگوگيكالىق ينستيتۋتىنىڭ جانە شىمكەنت اگرارلىق كوللەدجى ستۋدەنتتەرى بولسا، اۋدان، قالالاردا كوبىنەسە جۇمىسسىز جاس ازاماتتار تارتىلۋدا. ولاردىڭ ورتاشا ەڭبەك جالاقىسى 60-65 مىڭ تەڭگە كولەمىندە»،- دەدى سپيكەر.
بۇدان وزگە جازعى ەڭبەك لاگەرىنە قاتىسۋشى جاستارعا ارنايى كيىم فۋتبولكا، بەيسبولكا، جازعى شالبار مەن كۇرتەشە جانە اياق كيىم بەرىلەدى ەكەن.
سونىمەن قاتار، باسقارما باسشىسى جازعى ستۋدەنتتىك قۇرىلىس وتريادتارى بويىنشا اۋدان، قالالاردا سالىنىپ جاتقان قۇرىلىس نىساندارىندا 424 جاس ەڭبەك ەتىپ جاتقانىن ءمالىم ەتتى.
«م.اۋەزوۆ اتىنداعى وقمۋ قۇرىلىس ماماندىعى بويىنشا ءبىلىم الىپ جاتقان 200-گە جۋىق ستۋدەنت قازىعۇرت اۋدانى مەن تۇلكىباس اۋدانىنداعى ارنايى يندۋستريالدىق ايماقتا وندىرىستىك پراكتيكادان وتۋدە. جالپى وبلىستاعى 12 جوعارى وقۋ ورىندارىنىڭ التاۋىندا كاسىپتىك جانە وندىرىستىك ءبىلىم بەرۋ ماماندىقتارىندا وقيتىن1106 ستۋدەنت وبلىستاعى 64 كاسىپورىندار مەن زاۋىت-فابريكالاردا وندىرىستىك پراكتيكادان وتۋدە»، - دەدى ب.ناربەكوۆا.
جالپى جاستاردىڭ بوس ۋاقىتىن ءتيىمدى پايدالانۋىن ۇيىمداستىرۋدا باسقارما تاراپىنان كوپتەگەن جۇمىستار ۇيىمداستىرىلۋدا.سولاردىڭ ءبىرى بارلىق اۋدان، قالالارداعى ورتالىقتار جانىنان قۇرىلعان "ەرىكتىلەر مەكتەبى».بۇگىنگى تاڭدا وبلىس بويىنشا 4 مىڭنان استام ەرىكتى جاستار بار.ولاردىڭ تىكەلەي قاتىسۋىمەن جىل باسىنان بەرى 300-دەن استام قايىرىمدىلىق ءىس-شارالار، اقپاراتتىق ءتۇسىندىرۋ جۇمىستارى ۇيىمداستىرىلعان.
