Ońtústik Qazaqstanda «Nurly jol» infraqurylymdy damytýdyń 2015-2019 jyldarǵa arnalǵan memlekettik baǵdarlamasy arqyly birqatar jumystar atqaryldy.
Atap aitqanda, baǵdarlama bastalǵan eki jyldyń birinshi jyly 324 páterli 9 qabatty turǵyn úi paidalanýǵa berilip, 300-den astam otbasy qonys toiyn toilady. Sonymen birge, 2015 jyly atalǵan jumystardy iske asyryp, atqarýda 1200-ge jýyq adam jumyspen qamtyldy.
Ótken jyly «Nurly jol» aiasynda 10 bilim berý nysany halyq igiligine berildi. Máselen, byltyr 9 mektep (onyń 2-ýi apatty jaǵdaida, 7-úsh aýysymdy) pen 1 balabaqshanyń (tapshylyq oryn) jańa qurylysy júrip, balalar 1 qyrkúiekten bastap jańa nysandarda bilim ala bastady. Sondai-aq, turǵyn úilerdi injenerlik júielermen qamtamasyz etý boiynsha Shymkent qalasy men Túlkibas aýdanyndaǵy 2 nysanǵa tiisti jumystar júrgizilip, merziminde tapsyryldy. Osylaisha, 2016 jyly atalǵan baǵdarlama aiasynda júrgizilgen qurylys nysandary arqyly 3655 adamǵa jumys oryndary ashyldy.
Al biylǵy jospar boiynsha jyl sońyna deiin paidalanýǵa berilýi tiis 19 bilim oshaǵynyń 3-ýi – Qazyǵurt aýdanynda 2 mektep, Sairam aýdanynda 1 mektep paidalanýǵa berilse, qalǵan 16 bilim ordasy jańa jylǵa deiin jumysyn bastaidy dep kútilýde. Atalǵan nysandar tolyq aiaqtalyp, halyq igiligine berilgende, Ońtústiktegi 12 myń oqýshy 8 apatty, 11 úsh aýysymdy mektepterdiń ornyna sýjańa bilim oshaqtarynda tálim alatyn bolady.
