وڭتٷستٸك قازاقستاندا «نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتٸك باعدارلاماسى ارقىلى بٸرقاتار جۇمىستار اتقارىلدى.
اتاپ ايتقاندا, باعدارلاما باستالعان ەكٸ جىلدىڭ بٸرٸنشٸ جىلى 324 پەتەرلٸ 9 قاباتتى تۇرعىن ٷي پايدالانۋعا بەرٸلٸپ, 300-دەن استام وتباسى قونىس تويىن تويلادى. سونىمەن بٸرگە, 2015 جىلى اتالعان جۇمىستاردى ٸسكە اسىرىپ, اتقارۋدا 1200-گە جۋىق ادام جۇمىسپەن قامتىلدى.
ٶتكەن جىلى «نۇرلى جول» اياسىندا 10 بٸلٸم بەرۋ نىسانى حالىق يگٸلٸگٸنە بەرٸلدٸ. مەسەلەن, بىلتىر 9 مەكتەپ (ونىڭ 2-ۋٸ اپاتتى جاعدايدا, 7-ٷش اۋىسىمدى) پەن 1 بالاباقشانىڭ (تاپشىلىق ورىن) جاڭا قۇرىلىسى جٷرٸپ, بالالار 1 قىركٷيەكتەن باستاپ جاڭا نىسانداردا بٸلٸم الا باستادى. سونداي-اق, تۇرعىن ٷيلەردٸ ينجەنەرلٸك جٷيەلەرمەن قامتاماسىز ەتۋ بويىنشا شىمكەنت قالاسى مەن تٷلكٸباس اۋدانىنداعى 2 نىسانعا تيٸستٸ جۇمىستار جٷرگٸزٸلٸپ, مەرزٸمٸندە تاپسىرىلدى. وسىلايشا, 2016 جىلى اتالعان باعدارلاما اياسىندا جٷرگٸزٸلگەن قۇرىلىس نىساندارى ارقىلى 3655 ادامعا جۇمىس ورىندارى اشىلدى.
ال بيىلعى جوسپار بويىنشا جىل سوڭىنا دەيٸن پايدالانۋعا بەرٸلۋٸ تيٸس 19 بٸلٸم وشاعىنىڭ 3-ۋٸ – قازىعۇرت اۋدانىندا 2 مەكتەپ, سايرام اۋدانىندا 1 مەكتەپ پايدالانۋعا بەرٸلسە, قالعان 16 بٸلٸم ورداسى جاڭا جىلعا دەيٸن جۇمىسىن باستايدى دەپ كٷتٸلۋدە. اتالعان نىساندار تولىق اياقتالىپ, حالىق يگٸلٸگٸنە بەرٸلگەندە, وڭتٷستٸكتەگٸ 12 مىڭ وقۋشى 8 اپاتتى, 11 ٷش اۋىسىمدى مەكتەپتەردٸڭ ورنىنا سۋجاڭا بٸلٸم وشاقتارىندا تەلٸم الاتىن بولادى.
