OQO-da biyl 11 myńnan astam túlek diplom aldy
«Búgin Sizder úshin erekshe kún. Sebebi belgili bir maman iesi atanyp, úlken ómirge qadam bastyńyzdar. Qazaqstannyń qazirgi bilim berý júiesi ulttyq tarihymyz ben jahandanýdyń, izdenis pen kúrestiń keńistigi bolyp tur. Elbasy Nursultan Nazarbaev «Bolashaqqa baǵdar: rýhani jańǵyrý» maqalasynda: «Tabysty bolýdyń eń irgeli, basty faktory - bilim» ekenin airyqsha atap ótti. Ońtústik bilim, ǵylym, innovatsiialyq damýlarda kósh bastap kele jatqan óńir. Sondyqtan bitirýshi túlekterdi jumys ornymen qamtamasyz etýde oblysqa investitsiialar tartýdy basty mindet etip qoidym»,-dedi ákim.
Búgingi merekelik sharada ýniversitettiń 4 myńǵa jýyq stýdenti 86 mamandyq boiynsha oqýdy aiaqtap diplom alsa, onyń 580 túlegi qyzyl diplom ielendi.
75 jyldyq tarihy bar M.Áýezov atyndaǵy Ońtústik Qazaqstan memlekettik ýniversitet biyl tolaǵai tabystarǵa qol jetkizdi.Atap aitar bolsaq, Qazaqstandaǵy joǵary oqý oryndarynyń reitingisinde III-oryndy ielense, QS (kiýes) reitingisi boiynsha álemdegi 4,5 myń joǵary oqý oryndarynyń ishinde 609-dan 501-shi orynǵa kóterildi.Oqý ornyndaǵy 16 myńnan astam stýdentke 1500-den astam professor-oqytýshy, onyń ishinde 23-i akademik, 650-den astamy ǵylym kandidattary, 170-ke jýyq ǵylym doktory sapaly bilim berýde.Jyl saiyn 700-ge jýyq stýdent pen 150-den astam oqytýshy Akademiialyq utqyrlyq baǵdarlamasy boiynsha sheteldik tanymal joǵary oqý oryndarynda bilimderin jetildirýde.
Aita keteiik, búgingi tańda óńirdegi 12 joǵary oqý oryndarynda 70 myńǵa jýyq jas bilim alýda. 2017 jyly 11 myńnan astam túlek oqýyn bitirip shyǵyp, diplomdaryn qolyna alyp otyr.
