«بۇگىن سىزدەر ءۇشىن ەرەكشە كۇن. سەبەبى بەلگىلى ءبىر مامان يەسى اتانىپ، ۇلكەن ومىرگە قادام باستىڭىزدار. قازاقستاننىڭ قازىرگى ءبىلىم بەرۋ جۇيەسى ۇلتتىق تاريحىمىز بەن جاھاندانۋدىڭ، ىزدەنىس پەن كۇرەستىڭ كەڭىستىگى بولىپ تۇر. ەلباسى نۇرسۇلتان نازاربايەۆ «بولاشاققا باعدار: رۋحاني جاڭعىرۋ» ماقالاسىندا: «تابىستى بولۋدىڭ ەڭ ىرگەلى، باستى فاكتورى - ءبىلىم» ەكەنىن ايرىقشا اتاپ ءوتتى. وڭتۇستىك ءبىلىم، عىلىم، يننوۆاسيالىق دامۋلاردا كوش باستاپ كەلە جاتقان ءوڭىر. سوندىقتان ءبىتىرۋشى تۇلەكتەردى جۇمىس ورنىمەن قامتاماسىز ەتۋدە وبلىسقا ينۆەستيسيالار تارتۋدى باستى مىندەت ەتىپ قويدىم»،-دەدى اكىم.
بۇگىنگى مەرەكەلىك شارادا ۋنيۆەرسيتەتتىڭ 4 مىڭعا جۋىق ستۋدەنتى 86 ماماندىق بويىنشا وقۋدى اياقتاپ ديپلوم السا، ونىڭ 580 تۇلەگى قىزىل ديپلوم يەلەندى.
75 جىلدىق تاريحى بار م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەت بيىل تولاعاي تابىستارعا قول جەتكىزدى.اتاپ ايتار بولساق، قازاقستانداعى جوعارى وقۋ ورىندارىنىڭ رەيتينگىسىندە ءىىى-ورىندى يەلەنسە، QS (كيۋەس) رەيتينگىسى بويىنشا الەمدەگى 4،5 مىڭ جوعارى وقۋ ورىندارىنىڭ ىشىندە 609-دان 501ء-شى ورىنعا كوتەرىلدى.وقۋ ورنىنداعى 16 مىڭنان استام ستۋدەنتكە 1500-دەن استام پروفەسسور-وقىتۋشى، ونىڭ ىشىندە 23ء-ى اكادەميك، 650-دەن استامى عىلىم كانديداتتارى، 170-كە جۋىق عىلىم دوكتورى ساپالى ءبىلىم بەرۋدە.جىل سايىن 700-گە جۋىق ستۋدەنت پەن 150-دەن استام وقىتۋشى اكادەميالىق ۇتقىرلىق باعدارلاماسى بويىنشا شەتەلدىك تانىمال جوعارى وقۋ ورىندارىندا بىلىمدەرىن جەتىلدىرۋدە.
ايتا كەتەيىك، بۇگىنگى تاڭدا وڭىردەگى 12 جوعارى وقۋ ورىندارىندا 70 مىڭعا جۋىق جاس ءبىلىم الۋدا. 2017 جىلى 11 مىڭنان استام تۇلەك وقۋىن ءبىتىرىپ شىعىپ، ديپلومدارىن قولىنا الىپ وتىر.
