«Sizderdi shyn júrekten Astana kúni merekesimen quttyqtaımyn! Saryarqanyń tósinen oryn alǵan bas qalamyz órkenıetti alyp shaharǵa aınalyp, Astanamyz bolashaǵyna bet túzegen baıypty azamattardyń mekenine aınaldy. Elimizdiń bas qalasy Astana, Almaty qalalarymen birge Shymkent qalasy da úshinshi megapolıske aınalýda. Astana kúni qarsańynda el ıgiligine berilgeli otyrǵan bul saıabaq – qala turǵyndarynyń shattyq pen jandaryna saıa tabatyn demalys ornyny bolatynyna senimdimin »,-dedi Janseıit Qanseıituly
Oblystyq búdjet esebinen bólingen qarjyǵa qaıta qalpyna keltirilgen demalys ornynyń jalpy aýmaǵy – 8 gektardy quraıdy. 1991 jyly qurylǵan saıabaq 26 jyl ishinde birde-bir jóndeý kórmegen. Alǵash ret tek bıyl qaıta qalpyna keltirilip otyr.
Osynaý jumystar barysynda saıabaqtyń kireberisi jańartylyp, jasandy sý qoımasynyń jaǵasy bekitildi. Serýendeýshilerge qolaıly oryndyqtar qoıyldy. Kógaldy sýarý máselesi de sheshilgen, endi sý uńǵymadan alynady. Buǵan qosa saıabaqtyń kireberisi mármar taqtaıshalarmen kómkerilip, doǵasy zamanaýı úlgide árlengen. Jaryq shamdar men sahna saıabaqqa sán berip tur. Demalys ornynyń qaýipsizdigin saqtaý mindeti jergilikti polısıa qyzmetine júktelgen. Munda qala turǵyndary men qonaqtary úshin qýanysh syılaıtyn barlyq jaǵdaılar jasalǵan.
Aıta keteıik, saıabaqty qaıta qurylymdaýmen "Qýat qurylys" JSHS aınalysqan. Qurylys jumystaryna 180 mıllıon teńge jumsalǵan.
