Rysbek Sársenbaıdyń aıtýynsha, gazettiń negizgi quryltaıshysy Saltanat Atýshevanyń (marqum Altynbek Sársenbaevtyń jubaıy, Gazettiń 75 paıyz aksıasy S. Atýshevanyń ıeliginde) taralymynń azaıýy men ınternet-portaldyń oqylymynyń azdyǵyn alǵa tartyp, redaksıany jalpy bettik aýystyrýdy maqul kórgen. Rysbek Sársenbaı mundaı pikirmen kelispeıtinin, munda belgili bir astar bolýy múmkin ekenin jasyrmaıdy. Gazet aksıasynyń 25 paıyzy ózinde ekenin aıtqan ol, S. Atýshevaǵa bılik tarapynan qysym túsken bolýy múmkin ekenin de jasyrmaıdy.
Bir tańǵalarlyǵy, gazettiń bas redaktory bolyp Rysbek Sársenbaıdyń uly Nurlan Sársenbaı taǵaıyndalǵan. Ol buǵan deıin jýrnalısıka salasynda qyzmet atqarmaǵan. Shetelderde dıplomatıalyq qyzmetterde bolǵan.
Altynbek Sársenbaevtyń áıeli kúıeýi qaıtys bolǵan soń balalarymen birge shetelge qonys aýdarǵan. Qazir olar Anglıaa turady degen derek bar.
Bas redaktordyń aıaq astynan aýysyp, redaksıa meken-jaıynyń da ózgergenine gazettiń tilshileri narazy ekendikterin áleýmettik jelilerde aıtyp jatyr. Gazet burynǵy qalypta jaryq kóre me, álde mazmundyq ózgeristerge ushyraı ma, ony aldaǵy ýaqyt kórsetedi. Bir ǵasyrǵa jýyq tarıhy bar gazet Qazaqstandaǵy sanaýly opozısıalyq basylymdardyń biri.
