«Open Taldykorgan» – azamattyq hal aktilerin tirkeý qyzmetiniń jumysyn jandandyrdy
Jospardy oryndaý maqsatynda memlekettik kórsetiletin qyzmetterdiń sapasyn arttyrý, qyzmet alýshylarǵa sondai-aq, múmkindigi shekteýli azamattarǵa jaǵdai jasaý úshin jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń ǵimaratynda «Open Taldykorgan» áleýmettik sala jáne azamattyq hal aktilerin tirkeý qyzmetterin kórsetetin ortalyq ashyldy.
Jalpy, Taldyqorǵan qalasy ákimdigine qarasty 11 memlekettik mekeme 63 memlekettik qyzmet túri boiynsha qyzmet kórsetedi. 2021 jyldyń III toqsanyna 40 myńnan astam memlekettik qyzmet kórsetilgen.
Qazirgi ýaqytta qala boiynsha kórsetilgen memlekettik qyzmetterdiń basym bóligi jumyspen qamtý, áleýmettik baǵdarlamalar jáne azamattyq hal aktilerin tirkeý bólimimen kórsetilýde (32 165 qyzmet nemese 80,3%).
Sonymen qatar, elektrondyq qyzmetterdiń qoljetimdiligin qamtamasyz etý maqsatynda qala boiynsha 48 ózine-ózi qyzmet kórsetý buryshtary qyzmet etýde.
El tarihynda eleýli mereke Qazaqstan Respýblikasynyń 30 jyldyǵy qarsańynda Taldyqorǵan qalasynda dúniege kelgen 4500 náresteniń málimetteri azamattyq hal aktileriniń jazbalaryna tirkelip, týý týraly kýáligi berildi.
Qazirgi tańda bólimmen kórsetiletin memlekettik qyzmetterdiń 22 túrin, iaǵni 90% elektrondy túrde www.egov.kz «Elektrondy úkimet» veb portaly arqyly úiden shyqpai aq alý múmkindigi bar. Ol úshin memlekettik qyzmetti elektrondyq túrde alý úshin – árbir azamatqa elektrondyq tsifrlyq qoltańba alyp, «Elektrondy úkimet» veb-portalyna tirkelý qajet.
Aita ketý kerek, 2021 jylǵy qańtar aiynan bastap múgedektigi bar tulǵalarǵa arnalǵan ońaltý baǵdarlamasynyń negizinde gigienalyq quraldarmen, sanatorlyq-kýrorttyq joldamalarmen, tifloquraldar men sýrdoquraldarmen, protezdik-ortopediialyq buiymdarmen, qol arbamen, júrip turýy qiyn 1 toptaǵy múgedekke jeke kómekshiniń qyzmetimen jáne múgedekke ymdaý tili mamanynyń qyzmetimen «Áleýmettik qyzmetter» Portaly arqyly qamtamasyz etiledi.
