Sondai-aq, taýarlardyń eksporty 37 mln. AQSh dollaryna kóbeigen. Eksport boiynsha oblysymyzdyń jalpy eksportynyń negizgi seriktesteri retinde Niderlandy (39%) men Ózbekstan (32%) memleketteri qurap otyr.
Departament basshysynyń aitýynsha, óńirdegi taýarlar importy 140 mln. AQSh dollaryna nemese 34 paiyzǵa kóbeigen. Import boiynsha oblystyń negizgi seriktesi Qytai men Ózbekstan memleketteri bolyp otyr.
«Atap ótetin jaǵdai, Qazaqstan Respýblikasynyń Prezidenti Nursultan Nazarbaev pen Ózbekstan Prezidenti Shafkat Mirzieevtiń bastamalary jańa serpilis ákelip, nátijesinde jyl basynan beri eki el arasyndaǵy ekonomikalyq ahýal jandana tústi. Ózderińiz kýá bolǵandai, aǵymdaǵy jyldyń 13 shildesinde «Atameken» keden beketiniń «Syrdariia» jáne «Tselinnyi» ótkizý beketteri ashylǵany, eki eldiń yntymaqtastyǵy men birligin arttyryp qana qoimai, taýar ainalymynyń ósýine, saýdanyń damýyna da oń áserin tigizetini sózsiz», – dedi Altynsary Úmbetáliev.
Sondai-aq, departament basshysy 2017 jyldyń 1 jartyjyldyq jumys qorytyndysymen kedendik tólemder men salyqtar ótken jylmen salystyrǵanda 3,1 mlrd. teńgege artyp, 113 paiyzǵa óskenin jetkizdi.
Sonymen qatar, brifingte departament basshysy sońǵy kezde jeke investitsiialar naryǵynda elimizde qarjy piramidalary jandana bastaǵanyna bailanysty halyqtyń aldaýǵa túspeýine keńes berip, túsindirý jumystaryn júrgizý úshin buqaralyq-aqparat quraldaryn birlese jumys atqarýǵa shaqyrdy.
OQO ákiminiń baspasóz qyzmeti
