سونداي-اق، تاۋارلاردىڭ ەكسپورتى 37 ملن. اقش دوللارىنا كوبەيگەن. ەكسپورت بويىنشا وبلىسىمىزدىڭ جالپى ەكسپورتىنىڭ نەگىزگى سەرىكتەستەرى رەتىندە نيدەرلاندى (39%) مەن وزبەكستان (32%) مەملەكەتتەرى قۇراپ وتىر.
دەپارتامەنت باسشىسىنىڭ ايتۋىنشا، وڭىردەگى تاۋارلار يمپورتى 140 ملن. اقش دوللارىنا نەمەسە 34 پايىزعا كوبەيگەن. يمپورت بويىنشا وبلىستىڭ نەگىزگى سەرىكتەسى جۇڭگو مەن وزبەكستان مەملەكەتتەرى بولىپ وتىر.
«اتاپ وتەتىن جاعداي، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن وزبەكستان پرەزيدەنتى شافكات ميرزيەيەۆتىڭ باستامالارى جاڭا سەرپىلىس اكەلىپ، ناتيجەسىندە جىل باسىنان بەرى ەكى ەل اراسىنداعى ەكونوميكالىق احۋال جاندانا ءتۇستى. وزدەرىڭىز كۋا بولعانداي، اعىمداعى جىلدىڭ 13 شىلدەسىندە «اتامەكەن» كەدەن بەكەتىنىڭ «سىرداريا» جانە «سەليننىي» وتكىزۋ بەكەتتەرى اشىلعانى، ەكى ەلدىڭ ىنتىماقتاستىعى مەن بىرلىگىن ارتتىرىپ قانا قويماي، تاۋار اينالىمىنىڭ وسۋىنە، ساۋدانىڭ دامۋىنا دا وڭ اسەرىن تيگىزەتىنى ءسوزسىز»، – دەدى التىنسارى ۇمبەتالييەۆ.
سونداي-اق، دەپارتامەنت باسشىسى 2017 جىلدىڭ 1 جارتىجىلدىق جۇمىس قورىتىندىسىمەن كەدەندىك تولەمدەر مەن سالىقتار وتكەن جىلمەن سالىستىرعاندا 3،1 ملرد. تەڭگەگە ارتىپ، 113 پايىزعا وسكەنىن جەتكىزدى.
سونىمەن قاتار، بريفينگتە دەپارتامەنت باسشىسى سوڭعى كەزدە جەكە ينۆەستيسيالار نارىعىندا ەلىمىزدە قارجى پيراميدالارى جاندانا باستاعانىنا بايلانىستى حالىقتىڭ الداۋعا تۇسپەۋىنە كەڭەس بەرىپ، ءتۇسىندىرۋ جۇمىستارىن جۇرگىزۋ ءۇشىن بۇقارالىق-اقپارات قۇرالدارىن بىرلەسە جۇمىس اتقارۋعا شاقىردى.
وقو اكىمىنىڭ باسپا ءسوز قىزمەتى
