«EKSPO-2017 kórmesi sizderge erekshe áser qaldyratynyna senim mol. Barsha qazaqstandyqtardyń maqtanyshyna aınalǵan kórmeni jaqsylap tamashalap, jańa oqý jylyna kóterińki kóńil kúımen kelýlerińizge tilektespin. Osy saparlaryńyzǵa demeýshilik tanytyp, jańashyrlyq bildirgen barsha azamattarǵa alǵysymyz sheksiz»,- dedi Baýyrjan Sardaruly.
Astanaǵa jolǵa shyqqan top quramynda jetim balalar men kóp balaly otbasylardan shyqqan jáne áleýmettik toptaǵy balalar bar. Balalarǵa oblystyq bilim basqarmasymen birge 42 jetekshi 10 dáriger maman bekitilgen. Al, Astanaǵa jetken soń, oqýshylar «EKSPO» qalashyǵyndaǵy jataqhanaǵa jaıǵasady. As máziri de atalǵan jataqhana ashanasynda úlestiriletin bolady.
Saıahattyń alǵashqy kúninde belsendi top kórmeniń basty nysany – «Nurly álem» ulttyq pavılony, sondaı-aq, sheteldikterdiń usynǵan zamanaýı tehnologıasynyń jańa jetistikterin tamashalap, energıa-qýat kúshin alatyn tyń joba – jeke aımaǵymen tanyspaq nıette.
Aıta keteıik, elimizdiń bas qalasy – Astanada ótip jatqan EKSPO-2017 halyqaralyq kórmeni Ońtústik Qazaqstan oblysynan kún saıyn túrli toptaǵy azamattar attanyp, elordadaǵy álemdik mańyzdy sharanyń kýási bolyp jatyr. Búgingi kúnge deıin 30 myńnan astam ońtústikqazaqstandyq kórmeni tamashalap úlgergen. Onyń ishinde 2 myńǵa jýyǵy mektep shákirtteri. Al, Astanaǵa baryp qaıtqan oqýshylar halyqaralyq mańyzdy sharanyń kýási bolǵanyna erekshe qýanyp, aıryqsha áser alyp qaıtýda. Bul óz eliniń bolashaq patrıottary úshin úlken qoldaý, kómek bolýda.
Buǵan deıin EXPO-2017 halyqaralyq kórmesin tamashalaý úshin óńirdegi áleýmettik az qamtylǵan otbasy balalary men oqýda ozat, qoǵamdyq jumystarǵa belsene qatysqan jáne bilimi men ónegeli tárbıesi úshin oqýshylarǵa memleket jáne demeýshiler esebinen 3750 oqýshyǵa joldama berilgen bolatyn.
Búgingi kúnge deıin joldama alǵan balalardyń 2250-i aıtýly kórmeni tamashalap qaıtqan bolsa, qalǵan 1500 oqýshy aǵymdaǵy jyldyń qyrkúıek aıyna deıin Elordamyzǵa baryp, mádenı sharany kózben kórmek.
OQO ákiminiń baspasóz qyzmeti
