«ەكسپو-2017 كورمەسى سىزدەرگە ەرەكشە اسەر قالدىراتىنىنا سەنىم مول. بارشا قازاقستاندىقتاردىڭ ماقتانىشىنا اينالعان كورمەنى جاقسىلاپ تاماشالاپ، جاڭا وقۋ جىلىنا كوتەرىڭكى كوڭىل كۇيمەن كەلۋلەرىڭىزگە تىلەكتەسپىن. وسى ساپارلارىڭىزعا دەمەۋشىلىك تانىتىپ، جاڭاشىرلىق بىلدىرگەن بارشا ازاماتتارعا العىسىمىز شەكسىز»،- دەدى باۋىرجان ساردار ۇلى.
استاناعا جولعا شىققان توپ قۇرامىندا جەتىم بالالار مەن كوپ بالالى وتباسىلاردان شىققان جانە الەۋمەتتىك توپتاعى بالالار بار. بالالارعا وبلىستىق ءبىلىم باسقارماسىمەن بىرگە 42 جەتەكشى 10 دارىگەر مامان بەكىتىلگەن. ال، استاناعا جەتكەن سوڭ، وقۋشىلار «ەكسپو» قالاشىعىنداعى جاتاقحاناعا جايعاسادى. اس ءمازىرى دە اتالعان جاتاقحانا اسحاناسىندا ۇلەستىرىلەتىن بولادى.
ساياحاتتىڭ العاشقى كۇنىندە بەلسەندى توپ كورمەنىڭ باستى نىسانى – «نۇرلى الەم» ۇلتتىق پاۆيلونى، سونداي-اق، شەتەلدىكتەردىڭ ۇسىنعان زاماناۋي تەحنولوگياسىنىڭ جاڭا جەتىستىكتەرىن تاماشالاپ، ەنەرگيا-قۋات كۇشىن الاتىن تىڭ جوبا – جەكە ايماعىمەن تانىسپاق نيەتتە.
ايتا كەتەيىك، ەلىمىزدىڭ باس قالاسى – استانادا ءوتىپ جاتقان ەكسپو-2017 حالىقارالىق كورمەنى وڭتۇستىك قازاقستان وبلىسىنان كۇن سايىن ءتۇرلى توپتاعى ازاماتتار اتتانىپ، ەلورداداعى الەمدىك ماڭىزدى شارانىڭ كۋاسى بولىپ جاتىر. بۇگىنگى كۇنگە دەيىن 30 مىڭنان استام وڭتۇستىكقازاقستاندىق كورمەنى تاماشالاپ ۇلگەرگەن. ونىڭ ىشىندە 2 مىڭعا جۋىعى مەكتەپ شاكىرتتەرى. ال، استاناعا بارىپ قايتقان وقۋشىلار حالىقارالىق ماڭىزدى شارانىڭ كۋاسى بولعانىنا ەرەكشە قۋانىپ، ايرىقشا اسەر الىپ قايتۋدا. بۇل ءوز ەلىنىڭ بولاشاق پاتريوتتارى ءۇشىن ۇلكەن قولداۋ، كومەك بولۋدا.
بۇعان دەيىن EXPO-2017 حالىقارالىق كورمەسىن تاماشالاۋ ءۇشىن وڭىردەگى الەۋمەتتىك از قامتىلعان وتباسى بالالارى مەن وقۋدا وزات، قوعامدىق جۇمىستارعا بەلسەنە قاتىسقان جانە ءبىلىمى مەن ونەگەلى تاربيەسى ءۇشىن وقۋشىلارعا مەملەكەت جانە دەمەۋشىلەر ەسەبىنەن 3750 وقۋشىعا جولداما بەرىلگەن بولاتىن.
بۇگىنگى كۇنگە دەيىن جولداما العان بالالاردىڭ 2250ء-ى ايتۋلى كورمەنى تاماشالاپ قايتقان بولسا، قالعان 1500 وقۋشى اعىمداعى جىلدىڭ قىركۇيەك ايىنا دەيىن ەلوردامىزعا بارىپ، مادەني شارانى كوزبەن كورمەك.
وقو اكىمىنىڭ باسپا ءسوز قىزمەتى
