Qazaqstannyń 2050 jylǵa deıingi damýynyń jańa strategıasy elimizdi qazirgi zamanǵy syn-qaterlerge jaýap beretin jahandyq jáne tujyrymdamalyq mindetterdi sheshýge jáne qýatty ári básekege qabiletti ekonomıka, senimdi áleýmettik saıasat, joǵary tehnologıaly ındýstrıalyq sektor qurýdyń alǵysharttaryn jasaýǵa baǵyttaıdy. Sońǵy mindet óńirlerdiń tikeleı ári belsendi qatysýyn kózdeıdi. Sebebi, olar ınvestısıa tartýdyń, ınfraqurylymdardy keńeıtý men jańǵyrtýdyń jáne jańa óndiris oryndaryn ashýdyń ortalyqtary bolady. Elbasynyń tapsyrmasyna saı Ońtústik Qazaqstan oblysynda búginde jańa óndiris oryndary kóptep ashylýda. Osy oraıda óńirde shıkizat sektorynan daıyn ónim sektoryna ótý baǵytynda 8 iri ınvestısıalyq jobalar júzege asyrylýda. Bul týraly  Óńirlik komýnıkasıa qyzmetinde ótken brıfıńte oblystyq aýyl sharýashylyǵy basqarmasy basshysy Serik Turbekov málim etti.

Onyń aıtýynsha, oblysta ınvestısıa sommasy 18,5 mlrd. teńgeni  quraıtyn, qýattylyǵy jylyna 30 myń tonna qus etin óndiretin    «AK Kazyna» JSHS-niń jobasyn iske asyrý jumystary bastalǵan. Al, «Ordabasy-Qus» JSHS-gi kúrke taýyq etin óndirý óńdeý óndiristik qýattylyǵyn jylyna 25 myń tonnaǵa jetkizý boıynsha kelisimge qol qoıǵan. Munan bólek, Shardara aýdanynda balyq ónimderin qaıta óńdeıtin eki zaýytty iske asyrý jumystary júrgizilse, ınvestısıa sommasy 7,8 mlrd. tg. quraıtyn túıe sútin qaıta óńdeıtin zaýyt salý jumystary bastalǵan.

Sondaı-aq, Qytaı ınvestorlarymen ınvestısıa sommasy 21,6 mlrd. tg. quraıtyn tomat zaýytyn salý jobasy kelisilse, 1 myń ga aýmaqqa qarqyndy jańǵaq baýyn otyrǵyzý jobasyn júzege asyrý ınvestorlar tarapynan kelisimin tapty. Atalǵan joba boıynsha jerdi tańdap, qujattardy rásimdeý jumystary júrgizilýde. Budan basqa, birneshe ınvestorlardyń qatysýymen ınvestısıa sommasy 51,2 mlrd. tg. quraıtyn 136 ga aýmaqta Shymkent q. óndiristik jylyjaılar salý jobasyn («Teplıchnyı raı») júzege asyrý josparlanýda. Al, Qazyǵurt aýdanynda «Asyl bastaý» JSHS ınvestısıa sommasy 603 mln. tg. quraıtyn qurǵaq sút jáne sary maı shyǵarý zaýyty salynýda.

Memleket basshysy jyl saıynǵy Qazaqstan halqyna arnalǵan Joldaýynda eldiń agrarlyq salasyna asa basymdylyq berip,  jyldan-jylǵa sala qarqyndy damý ústinde. Oǵan dálel, ótken jyly aýyl sharýashylyǵy jalpy ónim kólemi 480,4 mlrd.tg, naqty kólem ındeksi 105 % qurady. Sońǵy bes jylda shamamen 2 esege ulǵaıdy. Jalpy ónimniń Respýblıkadaǵy shaqqandaǵy úlesi 13 % qurady. Bul oblystyń agrarlyq salasynyń eksporttyq jáne aldaǵy ýaqytta Respýblıka halqyn negizgi azyq-túlik ónimderimen qamtamasyz etetin Ortalyqqa aınaldyrý áleýetiniń joǵarǵy ekendigin kórsetedi», - dedi basqarma basshysy.

Elbasy Joldaýynda «Agrarlyq sektor ekonomıkanyń jańa draıverine aınalý  kerek» dep, aýyl sharýashylyǵy salasyna úlken mindetter júktedi. Osy Joldaýda belgilengen mindetter boıynsha atqarylyp jatqan jumystarǵa  jeke-jeke toqtalǵan Serik Turbekov  2021 jylǵa deıin agroónerkásip kesheni eksportynyń  kólemi 35 %-ǵa, 90 myńnan astam jeke fermerlik sharýashylyqtardy biriktiretin 600-den astam kooperatıvter qurý jáne 118,8 myń sýarmaly jerlerdi qalpyna keltirý jumystary júrgizilip jatqanyn atap ótti.