Onyń aitýynsha, oblysta investitsiia sommasy 18,5 mlrd. teńgeni quraityn, qýattylyǵy jylyna 30 myń tonna qus etin óndiretin «AK Kazyna» JShS-niń jobasyn iske asyrý jumystary bastalǵan. Al, «Ordabasy-Qus» JShS-gi kúrke taýyq etin óndirý óńdeý óndiristik qýattylyǵyn jylyna 25 myń tonnaǵa jetkizý boiynsha kelisimge qol qoiǵan. Munan bólek, Shardara aýdanynda balyq ónimderin qaita óńdeitin eki zaýytty iske asyrý jumystary júrgizilse, investitsiia sommasy 7,8 mlrd. tg. quraityn túie sútin qaita óńdeitin zaýyt salý jumystary bastalǵan.
Sondai-aq, Qytai investorlarymen investitsiia sommasy 21,6 mlrd. tg. quraityn tomat zaýytyn salý jobasy kelisilse, 1 myń ga aýmaqqa qarqyndy jańǵaq baýyn otyrǵyzý jobasyn júzege asyrý investorlar tarapynan kelisimin tapty. Atalǵan joba boiynsha jerdi tańdap, qujattardy rásimdeý jumystary júrgizilýde. Budan basqa, birneshe investorlardyń qatysýymen investitsiia sommasy 51,2 mlrd. tg. quraityn 136 ga aýmaqta Shymkent q. óndiristik jylyjailar salý jobasyn («Teplichnyi rai») júzege asyrý josparlanýda. Al, Qazyǵurt aýdanynda «Asyl bastaý» JShS investitsiia sommasy 603 mln. tg. quraityn qurǵaq sút jáne sary mai shyǵarý zaýyty salynýda.
Memleket basshysy jyl saiynǵy Qazaqstan halqyna arnalǵan Joldaýynda eldiń agrarlyq salasyna asa basymdylyq berip, jyldan-jylǵa sala qarqyndy damý ústinde. Oǵan dálel, ótken jyly aýyl sharýashylyǵy jalpy ónim kólemi 480,4 mlrd.tg, naqty kólem indeksi 105 % qurady. Sońǵy bes jylda shamamen 2 esege ulǵaidy. Jalpy ónimniń Respýblikadaǵy shaqqandaǵy úlesi 13 % qurady. Bul oblystyń agrarlyq salasynyń eksporttyq jáne aldaǵy ýaqytta Respýblika halqyn negizgi azyq-túlik ónimderimen qamtamasyz etetin Ortalyqqa ainaldyrý áleýetiniń joǵarǵy ekendigin kórsetedi», - dedi basqarma basshysy.
Elbasy Joldaýynda «Agrarlyq sektor ekonomikanyń jańa draiverine ainalý kerek» dep, aýyl sharýashylyǵy salasyna úlken mindetter júktedi. Osy Joldaýda belgilengen mindetter boiynsha atqarylyp jatqan jumystarǵa jeke-jeke toqtalǵan Serik Turbekov 2021 jylǵa deiin agroónerkásip kesheni eksportynyń kólemi 35 %-ǵa, 90 myńnan astam jeke fermerlik sharýashylyqtardy biriktiretin 600-den astam kooperativter qurý jáne 118,8 myń sýarmaly jerlerdi qalpyna keltirý jumystary júrgizilip jatqanyn atap ótti.
Derekkóz: oinet.kz
