Ońtústikte UOS ardagerlerine qurmet kórsetildi: 4 mamyr 2018

Ońtústik Qazaqstan oblysynda Jeńistiń 73 jyldyǵyna orai maidangerlerge qurmet kórsetildi. Shymkent qalasyndaǵy «Ońtústik» qabyldaý úiinde ardagerlerge arnap merekelik dastarhan jaiylyp, kontserttik baǵdarlama usynyldy.

Merekelik jiynǵa qatysqan Ońtústik Qazaqstan oblysynyń ákimi Janseiit Túimebaev pen qala ákimi Nurlan Saýranbaev Uly Otan soǵysynyń ardagerlerimen jáne tyl eńbekkerlerine syi qurmet jasap, beibit ómir syilaǵan aǵa urpaqqa alǵystaryn jetkizdi.

Búgingi elimizdiń órkendeýi men birliktiń buzylmas qamaly osynaý merekeniń jemisi, ardagerlerdiń erligi ekenin aitqan óńir basshysy aramyzda júrgen soǵys ardagerlerine udaiy qamqorlyq kórsetý búgingi urpaqtyń perzenttik paryzy ekenin atap ótti.

«Halqymyzda «Er – eliniń qorǵany» degen ataly sóz bar. Biz osyndai jandardyń erlikterine sai syi-qurmet kórsete otyryp, olardan ónege alyp ósetin jas urpaq Otanyna adal qyzmet etedi dep senemiz. Sizderdiń jáne erligimen esimderi tarihymyzda jazylǵan batyr babalardyń aldynda ólsheýsiz qaryzdarmyz. Elbasymyz maidannan oralmaǵan jaýyngerlerimizdiń esimderin máńgi el esinde saqtaýda jáne aramyzda júrgen ardagerlerimiz ben tyl eńbekkerlerin ardaqtaýda árqashan memlekettiń qamqorlyǵy bolatynyn aityp, jarqyn bastamalarǵa jol ashyp keledi. Sondyqtan da aqtańdaq jyldardaǵy el azamattarynyń jaýjúrektiligi men tyl eńbekkerleriniń eren eńbekterine biz árdaiym qurmetpen bas iemiz», – dedi oblys ákimi.

Sonymen qatar merekelik kezdesý barysynda oblystyq jáne qalalyq ardagerler keńesiniń tóraǵalary men maidan jáne tyl ardagerleri sóz sóilep, qazirgi kezde memleket tarapynan kórsetilip jatqan qurmet, qoldaýlarǵa rizashylyqtaryn bildirdi. Shara kontserttik baǵdarlamamen óz jalǵasyn tapty.

Jalpy Uly Otan soǵysyna Ońtústik Qazaqstan óńirinen 140 myńnan astam adam attanyp, olardyń jartysyna jýyǵy týǵan jerge oralmaǵan. II Dúniejúzilik soǵysta janqiiarlyq erligi úshin ońtústikqazaqstandyq 51 azamat Keńes Odaǵynyń batyry ataǵy, 8 maidanger «Dańq» ordeniniń iegeri atandy. Jaýjúrek qaisarlyǵy úshin myńdaǵan ardagerlerimiz túrli orden, medaldarmen marapattaldy. Búgingi tańda óńirimizde 174 Uly Otan soǵysynyń ardageri, 4885 maidanǵa qatysýshylar men múgedekke teńestirilgender jáne 15733 tyl eńbekkerleri bar.

OQO ákiminiń baspasóz qyzmeti

Ońtústikte UOS ardagerlerine qurmet kórsetildi

Oqi otyryńyz

Qoǵam igiligi úshin innovatsiialar: Sátbaev ýniversitetinde «TOM: Almaty» halyqaralyq meikatonynyń qorytyndysy shyǵaryldy

Tynys alý qaýipti: Qazaqstandaǵy eń las qalalar jariialandy

Qazaqstanda problemaly bankterdi erte anyqtaityn jańa júie engiziledi