Ońtústikte TJD mamandary sý alańdarynda qaýipsizdik sharalaryn saqtaýǵa shaqyrdy
Onyń aitýynsha, ótken jyly sý aidyndarynda oryn alǵan oqiǵa boiynsha oblys kóleminde 38 habarlama túsip, 34 adamnyń qaitys bolýy tirkelgen.
«Biyl osy ýaqytqa deiin óńirde 7 oqiǵa tirkelip, onyń 7-i de qaitys boldy. Jas jetkinshekter men sábilerdiń tilsiz juttyń qoinaýyna batyp qaitys bolýyna ata-analar men eresekterdiń nazardan tys qaldyrýy sebep bolǵan. Ókinishtisi, ótken jyldyń tiisti kezeńimen salystyrǵanda sý alańdarynda qaitys bolǵandar sany 57 paiyzǵa artqan. Sondyqtan eresek azamattar men ata-analarǵa meilinshe muqiiat bolýǵa, qaýipsizdik sharalaryn saqtaýǵa shaqyramyn», - dedi Erǵali Jarasbekuly.
Aldaǵy ýaqytta qaiǵyly oqiǵalardy aldyn alý úshin oblystyq Tótenshe jaǵdailar departamenti mamandary belgisiz qaýipti sý aidyndarynda jáne shomylýǵa tyiym salynǵan belgiler qoiylǵan jerlerde shomylmaýǵa shaqyrady.
«Turǵyn úilerge jaqyn ornalasqan kanaldar, aryqtar bar aimaqtarda balalardy úlkenderdiń qaraýynsyz qaldyrmaý qajet. Sondai-aq, azamattar balyq aýlaý kezinde jeke qutqarý keýdeshesi syndy jabdyqtardy paidalaný kerek. Jalpy qutqarýshy mamandardyń júrgizgen nusqaýlyqtaryn qatań saqtaýǵa tiis», - dedi Erǵali Bahaev.
Onyń málimdeýinshe, qaiǵyly jaǵdailardy aldyn alýda árbir azamat jaýapty. Ár adam óz ómirine asa jaýapkershilikpen qarap, balalaryna óz taraptarynan eskertip otyrýy lázim.
OQO ákiminiń baspasóz qyzmeti
