Alqaly májilisti júrgizip otyrǵan oblystyń bas prokýrory óńirimizge mańyzdy jańa jumystyń ádisteri bolyp tabylatyn 12 joba júzege asyrylyp jatqanyn atap ótip, sol jobalardyń arqasynda óńirdegi qylmystyń ashý deńgeii artyp, quqyq buzýshylyq sany tómendegenin jetkizdi. Alqaly jiynda joǵaryda atalǵan birqatar jobalardyń oryndalýy qorytyndylandy.
Atalǵan joblardyń biri 2016 jyldyń ekinshi jartyjyldyǵynda qolǵa alynǵan «Jer ýchaskesin óz betinshe ielenýdi joiý jáne sheshý joldary». Osy boiynsha baiandaǵan oblys prokýratýrasynyń 1-shi basqarmasynyń bastyǵy R.Dúisenbaev jańa jumys tásiliniń nátijesinde Sairam, Azat, Qursai móltek aýdandaryndaǵy zańsyz ielengen jerlerdegi 90-ǵa jýyq irgetasy buzylǵanyn málim etti. Sonymen qatar, qoǵamdyq shielenisterge jol bermeý úshin 167 jer ýchaskeleri azamattarǵa ýaqytsha paidalaný quqyǵymen berilgen, al 180-nen astam jerlerge quqyq beretin qujattary anyqtalyp, olarǵa sáikestendirý qujatyn rásimdeý kerektigi túsindirilgen.
Májiliste sonymen qatar, baiandama jasaǵan oblys prokýrorynyń orynbasary A.Qojahmetov quqyq qorǵaý jáne ýákiletti organdardyń qatysýymen iske asqan «Mal urlyǵyna nátijeli tosqaýyl» jobasy aiasynda biylǵy jyldyń basynan mal urlyǵy qylmysy 30,6%-ǵa tómendegenin aitty.
Óz kezeginde sóz alǵan oblys prokýrory Memleket basshysy N.Nazarbaev agroónerkásip keshenin damytýdyń jańa baǵdarlamasyn daiyndaýdy tapsyrǵanyn aityp, osy maqsattarǵa qol jetkizý úshin Úkimet pen ákimderge bes jyl ishinde 500 myńnan astam jeke úi sharýashylyqtary men shaǵyn fermerlerdi kooperativterge tartýǵa múmkindik beretin jaǵdai jasaýdy mindettegenin atap ótti. Sonymen qatar, ol atalǵan tapsyrma aldaǵy ýaqytta mal sharýashylyǵyn damytýda úlken jetistikterge jetýmen qatar mal urlyǵy problemasyn da túbegeili sheshýge múmkindik beretinine senim bildirdi.
Sondai-aq, prokýror ótken jyly jumysyn bastaǵan «Alaiaqsyz qoǵam» jobasy búginde nátijeli jumysymen qortyndylanyp otyrǵanyn aitty.
«2010-2015 jyldary oblys kóleminde alaiaqtyq qylmys turaqty túrde ósýine bailanysty ótken jyldyń 12 tamyzynan bastap «Alaiaqsyz qoǵam» jobasy qolǵa alynǵan bolatyn. Onda joba oryndaýshylarymen birinshi kezekte árbir salada iaǵni, jer, turǵyn úi, bank jáne taǵy basqa jasalǵan alaiaqtyq qylmystarynyń shemalary zerttelip, onyń oryn alý sebepteri men joldary sol salanyń ókilderimen birge talqylandy. Mine osy atqarylǵan jumystardyń nátijesinde alaiaqtyq qylmys búgingi kúni 50% tómendegen», – dedi I.Imanov.
Atalǵan qylmysty toqtatýǵa tek prokýratýra organdary ǵana emes, oblystyń quqyq qorǵaý jáne jergilikti atqarýshy organdary, sottar, notarialdyq palata, advokattar alqasy, ekinshi deńgeili bankter jáne memlekettik emes uiymdar at salysqan. Jalpy bul joba oblysta 2 baǵyt boiynsha iske asyrylyp, nátijeli jetistiktermen aiaqtalyp otyr.
Alqaly májilisti qorytyndylaǵan oblys ákimi J.Túimebaev barlyǵymyzdyń maqsatymyz ben mindetimizdiń bir ekenin aityp, birlese jumys jasaýǵa shaqyrdy.
«Osyndaǵy otyrǵan barshamyzdyń mindetimiz ol QR Konstitýtsiiasynda jazylǵan quqyqtyq zaiyrly qoǵam ornatý. Osy turǵyda bárimiz birlesip quqyq buzýshylyqtyń aldyn alý jáne qylmysty boldyrmaý maqsatynda arnaiy jol kartasyn ázirlep, elimizdiń erteńi men jastarymyzdyń bolashaǵy úshin jumys jasaýymyz qajet», – dedi ákim.
OQO ákiminiń baspasóz qyzmeti
