القالى ءماجىلىستى جۇرگىزىپ وتىرعان وبلىستىڭ باس پروكۋرورى وڭىرىمىزگە ماڭىزدى جاڭا جۇمىستىڭ ادىستەرى بولىپ تابىلاتىن 12 جوبا جۇزەگە اسىرىلىپ جاتقانىن اتاپ ءوتىپ، سول جوبالاردىڭ ارقاسىندا وڭىردەگى قىلمىستىڭ اشۋ دەڭگەيى ارتىپ، قۇقىق بۇزۋشىلىق سانى تومەندەگەنىن جەتكىزدى. القالى جيىندا جوعارىدا اتالعان ءبىرقاتار جوبالاردىڭ ورىندالۋى قورىتىندىلاندى.
اتالعان جوبلاردىڭ ءبىرى 2016 جىلدىڭ ەكىنشى جارتىجىلدىعىندا قولعا الىنعان «جەر ۋچاسكەسىن ءوز بەتىنشە يەلەنۋدى جويۋ جانە شەشۋ جولدارى». وسى بويىنشا بايانداعان وبلىس پروكۋراتۋراسىنىڭ 1ء-شى باسقارماسىنىڭ باستىعى ر.دۇيسەنبايەۆ جاڭا جۇمىس ءتاسىلىنىڭ ناتيجەسىندە سايرام، ازات، قۇرساي مولتەك اۋداندارىنداعى زاڭسىز يەلەنگەن جەرلەردەگى 90-عا جۋىق ىرگەتاسى بۇزىلعانىن ءمالىم ەتتى. سونىمەن قاتار، قوعامدىق شيەلەنىستەرگە جول بەرمەۋ ءۇشىن 167 جەر ۋچاسكەلەرى ازاماتتارعا ۋاقىتشا پايدالانۋ قۇقىعىمەن بەرىلگەن، ال 180-نەن استام جەرلەرگە قۇقىق بەرەتىن قۇجاتتارى انىقتالىپ، ولارعا سايكەستەندىرۋ قۇجاتىن راسىمدەۋ كەرەكتىگى تۇسىندىرىلگەن.
ماجىلىستە سونىمەن قاتار، بايانداما جاساعان وبلىس پروكۋرورىنىڭ ورىنباسارى ا.قوجاحمەتوۆ قۇقىق قورعاۋ جانە ۋاكىلەتتى ورگانداردىڭ قاتىسۋىمەن ىسكە اسقان «مال ۇرلىعىنا ناتيجەلى توسقاۋىل» جوباسى اياسىندا بيىلعى جىلدىڭ باسىنان مال ۇرلىعى قىلمىسى 30،6%-عا تومەندەگەنىن ايتتى.
«اسا ماڭىزدى ماسەلەلەردىڭ ءبىرى-مال سويۋ الاڭشالارى مەن مال سويۋ بەكەتىنىڭ جۇمىستارى. بۇگىنگى تاڭدا، وبلىستاعى 72 مال سويۋ الاڭشاسى يەلەرىنىڭ 30-مەن، 33 مال سويۋ بەكەتى يەلەرىنىڭ 13-مەن بەينە باقىلاۋ كامەرالارىن ورناتۋ ماقساتىندا مەموراندۋمدار تۇزىلگەن. ال وسى جوبا شەڭبەرىندە وبلىسىمىزداعى 33 مال بازارى يەلەرىمەن ۆەتەرينارلىق قۇجاتسىز جانە بىردەيلەندىرۋ راسىمىنەن وتپەگەن مالدى ساتۋعا كىرگىزبەۋ تۋرالى مەموراندۋمعا قول قويىلسا، 21-نە دەزينفەكسيالىق توسقاۋىلدار ورناتىلدى»، – دەدى ا.قوجاحمەتوۆ.
ءوز كەزەگىندە ءسوز العان وبلىس پروكۋرورى مەملەكەت باسشىسى ن.نازاربايەۆ اگروونەركاسىپ كەشەنىن دامىتۋدىڭ جاڭا باعدارلاماسىن دايىنداۋدى تاپسىرعانىن ايتىپ، وسى ماقساتتارعا قول جەتكىزۋ ءۇشىن ۇكىمەت پەن اكىمدەرگە بەس جىل ىشىندە 500 مىڭنان استام جەكە ءۇي شارۋاشىلىقتارى مەن شاعىن فەرمەرلەردى كووپەراتيۆتەرگە تارتۋعا مۇمكىندىك بەرەتىن جاعداي جاساۋدى مىندەتتەگەنىن اتاپ ءوتتى. سونىمەن قاتار، ول اتالعان تاپسىرما الداعى ۋاقىتتا مال شارۋاشىلىعىن دامىتۋدا ۇلكەن جەتىستىكتەرگە جەتۋمەن قاتار مال ۇرلىعى پروبلەماسىن دا تۇبەگەيلى شەشۋگە مۇمكىندىك بەرەتىنىنە سەنىم ءبىلدىردى.
سونداي-اق، پروكۋرور وتكەن جىلى جۇمىسىن باستاعان «الاياقسىز قوعام» جوباسى بۇگىندە ناتيجەلى جۇمىسىمەن قورتىندىلانىپ وتىرعانىن ايتتى.
«2010-2015 جىلدارى وبلىس كولەمىندە الاياقتىق قىلمىس تۇراقتى تۇردە وسۋىنە بايلانىستى وتكەن جىلدىڭ 12 تامىزىنان باستاپ «الاياقسىز قوعام» جوباسى قولعا الىنعان بولاتىن. وندا جوبا ورىنداۋشىلارىمەن ءبىرىنشى كەزەكتە ءاربىر سالادا ياعني، جەر، تۇرعىن ءۇي، بانك جانە تاعى باسقا جاسالعان الاياقتىق قىلمىستارىنىڭ سحەمالارى زەرتتەلىپ، ونىڭ ورىن الۋ سەبەپتەرى مەن جولدارى سول سالانىڭ وكىلدەرىمەن بىرگە تالقىلاندى. مىنە وسى اتقارىلعان جۇمىستاردىڭ ناتيجەسىندە الاياقتىق قىلمىس بۇگىنگى كۇنى 50% تومەندەگەن»، – دەدى ي.يمانوۆ.
اتالعان قىلمىستى توقتاتۋعا تەك پروكۋراتۋرا ورگاندارى عانا ەمەس، وبلىستىڭ قۇقىق قورعاۋ جانە جەرگىلىكتى اتقارۋشى ورگاندارى، سوتتار، نوتاريالدىق پالاتا، ادۆوكاتتار القاسى، ەكىنشى دەڭگەيلى بانكتەر جانە مەملەكەتتىك ەمەس ۇيىمدار ات سالىسقان. جالپى بۇل جوبا وبلىستا 2 باعىت بويىنشا ىسكە اسىرىلىپ، ناتيجەلى جەتىستىكتەرمەن اياقتالىپ وتىر.
القالى ءماجىلىستى قورىتىندىلاعان وبلىس اكىمى ج.تۇيمەبايەۆ بارلىعىمىزدىڭ ماقساتىمىز بەن مىندەتىمىزدىڭ ءبىر ەكەنىن ايتىپ، بىرلەسە جۇمىس جاساۋعا شاقىردى.
«وسىنداعى وتىرعان بارشامىزدىڭ مىندەتىمىز ول ق ر كونستيتۋسياسىندا جازىلعان قۇقىقتىق زايىرلى قوعام ورناتۋ. وسى تۇرعىدا ءبارىمىز بىرلەسىپ قۇقىق بۇزۋشىلىقتىڭ الدىن الۋ جانە قىلمىستى بولدىرماۋ ماقساتىندا ارنايى جول كارتاسىن ازىرلەپ، ەلىمىزدىڭ ەرتەڭى مەن جاستارىمىزدىڭ بولاشاعى ءۇشىن جۇمىس جاساۋىمىز قاجەت»، – دەدى اكىم.
وقو اكىمىنىڭ باسپا ءسوز قىزمەتى
