Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Ońtústikte «Naýryz» aptalyǵy bastaý aldy

Dalanews
Ońtústikte «Naýryz» aptalyǵy bastaý aldy
Biyl  «Túrkistan – Túrki áleminiń mádeni astanasy» jobasy aiasynda Ońtústik Qazaqstan oblysynda túrki mádenietin álemge tanytý maqsatynda jyl boiy 40-qa jýyq is-shara ótkiziledi.  Is-shara josparyna sáikes túrki áleminiń halyqaralyq aqyndar aitysy, túbi túrki tildes halyqtar teatry, opera, tsirk, bi, satira, dástúrli óner jáne ulttyq kino jáne  animatsiialyq filmderdiń, qolóner sheberleriniń, mýzyka festivalderi uiymdastyrylmaq. Búgin bul týraly Óńirlik kommýnikatsiialar ortalyǵynda ótken baspasóz máslihatynda oblys ákiminiń orynbasary Ulasbek Sádibekov málim etti.

Sonymen qatar túrki memleketteri áielderiniń, media, tarihshylar, jýrnalister forýmdary, sýretshilerdiń kezdesýi, ádebi jýrnaldar redaktorlarynyń kongresi, aqyn, jazýshylarmen kezdesýler, buqaralyq aqparat quraldaryna arnalǵan press-týrlar ótkizilip, kitap kórmelerin uiymdastyrý josparlanyp otyr.

Aita keteiik, «Túrkistan - Túrki áleminiń mádeni astanasy» jobasynyń aiasynda uiymdastyrylatyn is-sharalardyń jospary «TÚRKSOI»   halyqaralyq uiymy,   QR Mádeniet jáne sport ministrligi, Ońtústik Qazaqstan oblysy ákimdigi  tarapynan   úsh jaqty qol qoiýmen bekitilgen.

«21 naýryz kúni Túrkistan qalasynda atalǵan jobanyń saltanatty ashylýy  men TÚRKSOI Baspasóz syilyǵyn tapsyrý rásimi ótetin bolady.

Sondai-aq, Ulystyń uly kúni – Naýryz toiy merekelenip, Q.A.Iasaýi atyndaǵy HQTÝ-dyń Mádeniet ortalyǵynda resmi qonaqtardyń qatysýymen «Túrkistan jáne Túrkologiia» atty Halyqaralyq ǵylymi-teoriialyq konferentsiia ótkizýdi josparlap otyrmyz», -  deidi Ulasbek Sádibekuly.

Sondai-aq  túrkitildes memleketterdiń óner ujymdary men Ońtústik Qazaqstan oblysy óner sheberleriniń qatysýymen gala-kontsert ótedi.  Atalǵan is- sharaǵa   myńǵa jýyq qonaq keledi dep kútilýde. Onyń ishinde 22 túrkitildes jáne basqa da memleketterden 50-ge jýyq resmi qonaq pen BAQ ókilderi jáne 230-dan astam  óner ujymdary da bar.

Mádeni is-sharalardyń basym kópshiligi Túrkistan qalasynda ótedi. Keibir is-sharalar Túrkistan qalasynan bastaý alyp, Shymkent qalasynda jalǵasyn tabady.

Jyldyń jabylý saltanaty 2017 jyldyń qarasha aiynda Túrkistanda ótetin bolyp belgilenip otyr.  Jobada Túrki áleminiń 2018 jylǵy mádeni astanasy anyqtalyp, estafetasy tapsyrylady.

Budan bólek, oblys ákimi Janseiit Túimebaev bekitken is-sharalar josparyna sáikes Ulttyq salt - dástúr men ádep - ǵurypty dáripteý, nasihattaý maqsatynda Naýryz merekesiniń qarsańynda oblys deńgeiinde «Naýryz» aptalyǵyn ótkizý josparlanýda. Aptalyq 15 naýryz kúni bastalyp, 21 naýryz kúni óz máresine jetedi.  Merekelik aptalyq aiasynda túrli etnos ókilderi arasynda Naýryz kóje daiyndaýdan jarys, jergilikti qolónershilerdiń qolynan shyqqan kádesyilardyń jármeńkesi, tazalyq aktsiiasy, ulttyq ónimder jármeńkesi, qaiyrymdylyq sharalaryn ótkizý kózdelip otyr.

 

OQO ákiminiń baspasóz qyzmeti
TÚRKSOI Janseiit Túimebaev Ońtústik Qazaqstan Túrkistan – Túrki áleminiń mádeni astanasy Ulasbek Sádibekov HQTÝ Naýryz toiy Túrkistan jáne Túrkologiia Túrkistan qalasy Madina Sádýaqasova

Oqi otyryńyz