Ońtústikte «Mektepke jol» respýblikalyq qaiyrymdylyq aktsiiasy bastaldy
Tamyz jáne qyrkúiek ailarynda uiymdastyrylatyn sharanyń maqsaty – az qamtylǵan jáne kóp balaly otbasylar, jetim balalar men ata-anasynyń qamqorlyǵynsyz qalǵan balalar ishinen oqýshylarǵa jańa oqý jylyna daiyndyq kezeńinde kómek kórsetý jáne áleýmettik sebepter boiynsha balalardyń mektepke barmaýynyń aldyn alý bolyp tabylady.
Respýblikalyq «Mektepke jol» aktsiiasyna barlyq deńgeidegi mekeme basshylary, aýdan ákimderi, kásipker azamattar, memlekettik qyzmetkerler, úkimettik emes uiymdar, aýdandyq, qalalyq bilim bólimderi, sondai-aq, mektep basshylary atsalysa alady.
Eske sala ketsek, ótken 2016 jyly osy aktsiiany ótkizý nátijesinde 18510 balaǵa materialdyq kómek berilgen-di. Onyń ishinde, 10096 balaǵa biýdjet qarajaty esebinen, qalǵan 8414 balaǵa biýdjetten tys demeýshiler qarajaty esebinen materialdyq kómek kórsetildi. Oblys boiynsha materialdyq kómek alǵan balalarǵa jalpy 197 mln 414 myń teńge soma kóleminde qarjy jumsaldy. Onyń 134 mln 687 myń teńgesi biýdjet esebinen bolsa, 62 mln 727,9 myń teńge somasy biýdjetten tys demeýshiler esebinen berildi.
Jalpy, «Mektepke jol» aktsiiasy uiymdastyrylǵan 9 jyl ishinde respýblika boiynsha 2 mln.-nan astam balaǵa jalpy somasy 15 mlrd. teńgeniń materialdyq kómegi kórsetildi. Jyl saiynǵy ótkizilip jatqan osynaý sharaǵa demeýshiler men metsenattar tarapynan kórsetilgen kómekter men qoldaýlardyń úlesi zor.
OQO ákiminiń baspasóz qyzmeti
