Beıne Qarjaýbaeva SPID-tiń emin taptym degeni talaıdy eleńdetip, tipti daýly másele týyndatqan bolatyn. Beıneniń ákesi Eralhan Jylqyaıdaruly endi qyzynyń qyzyqty boljamyn jarıa etti.
“Kezinde meniń qyzym dúnıe júzin alańdatyp otyrǵan aýrýdyń emin tapqan bolatyn. Alaıda onyń tıisti oryndar men emdeý mekemeleri tarapynan qoldaý tappaǵanyn bilesizder. Degenmen erte me, kesh pe, shyndyq báribir shyǵady ǵoı. Jalpy, Beıneniń kóripkeldik, boljaǵyshtyq qasıeti bar. Sony da bir esterińizge salaıyn dep edim. Ol kezinde Qyrǵyzstanda halyq pen bılik arasynda qaqtyǵys bolatynyn aıtqan bolatyn, keıin ol ómirde shyndyǵynda da oryn aldy. Sondaı-aq qyzym osydan biraz jyl buryn elimizdiń kelesi prezıdenti Darıǵa Nazarbaeva bolady dep te aıtqan edi, qarap otyrsam, ol da rasqa aınalatyn sıaqty. Qysqasy, men qyzymnyń boıynda qasıet baryna senemin, ony únemi qoldap otyrǵym keledi”, – deıdi Beıneniń ákesi.
Búginde emshi qyzǵa emdelý úshin laýazymdy sheneýnikter de keledi eken.
“Meniń qyzyma Másimovtiń ákesi de qaralyp, eminiń shıpasyn kórgen, bizge «vızıtkasyn» qaldyrǵan, qazir de ol kisimen habarlasyp turamyz”, – deıdi Eralhan Jylqyaıdaruly.
Kózine aq kıimdi adamdar elestep, tylsym qubylystar kórinetin Beıne Qarjaýbaeva 1980 jyly týylǵan. Ákesi erekshe kúshke ıe qyzynyń tezirek ómirden óz ornyn tapqanyn armandaıdy.
