بەينە قارجاۋبايەۆا ءسپيد-تىڭ ەمىن تاپتىم دەگەنى تالايدى ەلەڭدەتىپ، ءتىپتى داۋلى ماسەلە تۋىنداتقان بولاتىن. بەينەنىڭ اكەسى ەرالحان جىلقىايدار ۇلى ەندى قىزىنىڭ قىزىقتى بولجامىن جاريا ەتتى.
“كەزىندە مەنىڭ قىزىم دۇنيە ءجۇزىن الاڭداتىپ وتىرعان اۋرۋدىڭ ەمىن تاپقان بولاتىن. الايدا ونىڭ ءتيىستى ورىندار مەن ەمدەۋ مەكەمەلەرى تاراپىنان قولداۋ تاپپاعانىن بىلەسىزدەر. دەگەنمەن ەرتە مە، كەش پە، شىندىق ءبارىبىر شىعادى عوي. جالپى، بەينەنىڭ كورىپكەلدىك، بولجاعىشتىق قاسيەتى بار. سونى دا ءبىر ەستەرىڭىزگە سالايىن دەپ ەدىم. ول كەزىندە قىرعىزستاندا حالىق پەن بيلىك اراسىندا قاقتىعىس بولاتىنىن ايتقان بولاتىن، كەيىن ول ومىردە شىندىعىندا دا ورىن الدى. سونداي-اق قىزىم وسىدان ءبىراز جىل بۇرىن ەلىمىزدىڭ كەلەسى پرەزيدەنتى داريعا نازاربايەۆا بولادى دەپ تە ايتقان ەدى، قاراپ وتىرسام، ول دا راسقا اينالاتىن سياقتى. قىسقاسى، مەن قىزىمنىڭ بويىندا قاسيەت بارىنا سەنەمىن، ونى ۇنەمى قولداپ وتىرعىم كەلەدى”، – دەيدى بەينەنىڭ اكەسى.
بۇگىندە ەمشى قىزعا ەمدەلۋ ءۇشىن لاۋازىمدى شەنەۋنىكتەر دە كەلەدى ەكەن.
“مەنىڭ قىزىما ءماسىموۆتىڭ اكەسى دە قارالىپ، ەمىنىڭ شيپاسىن كورگەن، بىزگە «ۆيزيتكاسىن» قالدىرعان، ءقازىر دە ول كىسىمەن حابارلاسىپ تۇرامىز”، – دەيدى ەرالحان جىلقىايدار ۇلى.
كوزىنە اق كيىمدى ادامدار ەلەستەپ، تىلسىم قۇبىلىستار كورىنەتىن بەينە قارجاۋبايەۆا 1980 جىلى تۋىلعان. اكەسى ەرەكشە كۇشكە يە قىزىنىڭ تەزىرەك ومىردەن ءوز ورنىن تاپقانىن ارماندايدى.
