Ótken jylǵymen salystyrǵanda ósim 61,8 paiyzǵa artqan. Bul jumystar oblys ákimi J.Túimebaevtyń qalada kópqabatty turǵyn úi sanyn kóbeitý boiynsha berilgen tapsyrmasynyń negizinde júzege asyp otyr.
Jyl basynda aimaq basshysy oblys ortalyǵyndaǵy negizgi máselelerdiń biri – baspana ekenin aityp, qala ortalyǵynda kópqabatty turǵyn úilerdiń qurylysyna basymdyq berip, úi kezeginde turǵan azamattardy baspanamen qamtý jaiyn qarastyrýdy tapsyrǵan bolatyn. Sondai-aq, qalany damytýdaǵy kezekti bir jiynynda qaladaǵy úilerdiń 70 paiyzyn jer úiler quraǵandyqtan olardyń infraqurylymdyq qajettiliktermen qamtamasyz etý asa kóp shyǵyndy talap etip otyrǵanyn jáne jeke turǵyn úi qurylysy kóptep salynýynan ortalyqtyń sáýlettik kelbetine de aitarlyqtai keri áserin tigizgenin eskertken. Osy rette, oblysta aldaǵy ýaqytta kópqabatty turǵyn úi salý qarqyny eselene túspek. Iaǵni, 2018 jyly óńirde osy jyldan ótpeli kópqabatty 154 turǵyn úidiń qurylysy men qosymsha jańadan kópqabatty 100 turǵyn úidiń qurylysy bastalmaq.
Jalpy óńirde «Nurly jer» baǵdarlamasynyń barlyq baǵyty boiynsha 620 myń sharshy metr bolatyn turǵyn úi paidalanýǵa berilip, osynyń nátijesinde ońtústikqazaqstandyq 6553 otbasy baspanaly boldy. Qurylysy bitken úilerdiń ishinde 347,2 myń sharshy metri kópqabatty bolsa, 272,3 myń sharshy metri jeke turǵyn úi.
Atalǵan turǵyn úi qurylysyna 36,9 mlrd teńge kóleminde investitsiia salyndy. Bul kórsetkish ótken jylǵymen salystyrǵanda 8,9 paiyzǵa artyq. Onyń ishinde 18,8 mlrd teńge memlekettik investitsiialardy quraidy.
OQO ákiminiń baspasóz qyzmeti
