وڭتۇستىك قازاقستان وبلىسىندا بيىلعى جىلى تۇرعىن ءۇي قۇرىلىسىنىڭ ءوسۋ قارقىنى بايقالادى. ماسەلەن، وتكەن جىلى كوپقاباتتى  44 ءۇي، ياعني، 214،6 مىڭ شارشى مەتر بولاتىن 2564 پاتەر تاپسىرىلدى. ال، وسى جىلى وبلىستا بارلىعى 976،9 مىڭ شارشى مەتر بولاتىن 245 كوپقاباتتى ءۇيدiڭ قۇرىلىسى جۇرگiزiلۋدە. ونىڭ بۇگىندە 347،2 مىڭ شارشى مەترى، ياعني، 91 ءۇي پايدالانۋعا بەرىلىپ، 4733 باسپانا ەل يگىلىگىنە ۇلەستىرىلدى.

وتكەن جىلعىمەن سالىستىرعاندا ءوسىم 61،8 پايىزعا ارتقان. بۇل جۇمىستار وبلىس اكىمى ج.تۇيمەبايەۆتىڭ قالادا كوپقاباتتى تۇرعىن ءۇي سانىن كوبەيتۋ بويىنشا بەرىلگەن تاپسىرماسىنىڭ نەگىزىندە جۇزەگە اسىپ وتىر.

جىل باسىندا ايماق باسشىسى وبلىس ورتالىعىنداعى نەگىزگى ماسەلەلەردىڭ ءبىرى – باسپانا ەكەنىن ايتىپ،  قالا ورتالىعىندا كوپقاباتتى تۇرعىن ۇيلەردىڭ قۇرىلىسىنا باسىمدىق بەرىپ، ءۇي كەزەگىندە تۇرعان ازاماتتاردى باسپانامەن قامتۋ جايىن قاراستىرۋدى تاپسىرعان بولاتىن. سونداي-اق، قالانى دامىتۋداعى كەزەكتى ءبىر جيىنىندا قالاداعى ۇيلەردىڭ 70 پايىزىن جەر ۇيلەر قۇراعاندىقتان ولاردىڭ ينفراقۇرىلىمدىق قاجەتتىلىكتەرمەن قامتاماسىز ەتۋ اسا كوپ شىعىندى تالاپ ەتىپ وتىرعانىن جانە جەكە تۇرعىن ءۇي قۇرىلىسى كوپتەپ سالىنۋىنان ورتالىقتىڭ ساۋلەتتىك كەلبەتىنە دە ايتارلىقتاي كەرى اسەرىن تيگىزگەنىن ەسكەرتكەن. وسى رەتتە،  وبلىستا الداعى ۋاقىتتا كوپقاباتتى تۇرعىن ءۇي سالۋ قارقىنى ەسەلەنە تۇسپەك. ياعني، 2018 جىلى وڭىردە وسى جىلدان وتپەلى كوپقاباتتى 154 تۇرعىن ءۇيدىڭ قۇرىلىسى مەن  قوسىمشا جاڭادان  كوپقاباتتى 100 تۇرعىن ءۇيدىڭ قۇرىلىسى باستالماق.

جالپى وڭىردە «نۇرلى جەر» باعدارلاماسىنىڭ بارلىق باعىتى بويىنشا 620 مىڭ شارشى مەتر بولاتىن تۇرعىن ءۇي پايدالانۋعا بەرىلىپ، وسىنىڭ ناتيجەسىندە وڭتۇستىكقازاقستاندىق 6553 وتباسى باسپانالى  بولدى. قۇرىلىسى بىتكەن ۇيلەردىڭ ىشىندە 347،2 مىڭ شارشى مەترى  كوپقاباتتى بولسا،  272،3 مىڭ شارشى مەترى جەكە تۇرعىن ءۇي.

اتالعان تۇرعىن ءۇي قۇرىلىسىنا 36،9 ملرد تەڭگە كولەمىندە ينۆەستيسيا سالىندى. بۇل كورسەتكىش وتكەن جىلعىمەن سالىستىرعاندا 8،9 پايىزعا ارتىق. ونىڭ ىشىندە 18،8 ملرد تەڭگە مەملەكەتتىك ينۆەستيسيالاردى قۇرايدى.



 

 

وقو اكىمىنىڭ باسپا ءسوز قىزمەتى