Ońtústikte jańa jumys ornyn ashý júieli túrde qolǵa alynǵan
Tarqatyp aitsaq, 2017 jyldyń 1 shildesine deiingi málimetke sáikes, jańadan ashylǵan jumys oryndarynyń ishinde 1667 oryn «Nurly jol» baǵdarlamasy boiynsha, 1030 oryn «Nurly jer», 115 jumys orny «Indýstriialdy-innovatsiialyq damý», 396 oryn «Biznestiń jol kartasy 2020», 18134 oryn memlekettik salalyq baǵdarlamalar arqyly qurylsa, 7627 oryn «Óńirlerdi damytý» memlekettik baǵdarlamasy men 1379 oryn «2020 jylǵa deiingi aimaqtardy damytý» memlekettik baǵdarlamasy aiasynda ashylǵan.
Jalpy, 2017 jyldyń jospary boiynsha óńirimizde memlekettik jáne salalyq baǵdarlamalar negizinde 66764 jańa jumys oryndary ashylatyny josparlanyp, onda 5677 adamdy jumyspen qamtý kózdelip otyr.
Respýblikada ashylǵan jańa jumys oryndary týraly málimetti jinaqtaǵan Almaty men Astana qalalarynyń jumyspen qamtýdy úilestirý jáne áleýmettik baǵdarlamalar departamentteriniń dáieginshe, bul saladaǵy kóshti Ońtústik Qazaqstannan soń Astana qalasy jalǵaidy. Onda osy jyldyń 1 shildesine deiin 17 033 jańa jumys orny qurylǵan. Kezekti odan ármen tarqatsaq, Almaty oblysynda 13 020 jumys orny, Almaty qalasynda 12830, Mańǵystaýda 11821, Jambylda 11643, Atyraý oblysynda 10656, Shyǵys Qazaqstan oblysynda 8529 jumys orny jańadan ashylsa, Aqtóbede 8204, Soltústik Qazaqstanda 7668, Aqmola oblysynda 7217, Pavlodarda 7186, Qyzylordada 7017, Batys Qazaqstan oblysynda 5938, Qostanaida 5603, al Qaraǵandyda 5493 jumys orny qurylǵan.
Jalpylai aitqanda, Qazaqstanda jyl basynan beri jarty jylda 170206 jańa jumys orny qurylsa, onyń 118240 orny turaqty jumys ornyna jatady. Al ashylǵan jumys oryndarynyń 78 myńǵa jýyǵy aýyldy jerlerde ashylǵan.
