تارقاتىپ ايتساق، 2017 جىلدىڭ 1 شىلدەسىنە دەيىنگى مالىمەتكە سايكەس، جاڭادان اشىلعان جۇمىس ورىندارىنىڭ ىشىندە 1667 ورىن «نۇرلى جول» باعدارلاماسى بويىنشا، 1030 ورىن «نۇرلى جەر»، 115 جۇمىس ورنى «يندۋستريالدى-يننوۆاسيالىق دامۋ»، 396 ورىن «بيزنەستىڭ جول كارتاسى 2020»، 18134 ورىن مەملەكەتتىك سالالىق باعدارلامالار ارقىلى قۇرىلسا، 7627 ورىن «وڭىرلەردى دامىتۋ» مەملەكەتتىك باعدارلاماسى مەن 1379 ورىن «2020 جىلعا دەيىنگى ايماقتاردى دامىتۋ» مەملەكەتتىك باعدارلاماسى اياسىندا اشىلعان.
جالپى، 2017 جىلدىڭ جوسپارى بويىنشا وڭىرىمىزدە مەملەكەتتىك جانە سالالىق باعدارلامالار نەگىزىندە 66764 جاڭا جۇمىس ورىندارى اشىلاتىنى جوسپارلانىپ، وندا 5677 ادامدى جۇمىسپەن قامتۋ كوزدەلىپ وتىر.
رەسپۋبليكادا اشىلعان جاڭا جۇمىس ورىندارى تۋرالى مالىمەتتى جيناقتاعان الماتى مەن استانا قالالارىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار دەپارتامەنتتەرىنىڭ دايەگىنشە، بۇل سالاداعى كوشتى وڭتۇستىك قازاقستاننان سوڭ استانا قالاسى جالعايدى. وندا وسى جىلدىڭ 1 شىلدەسىنە دەيىن 17 033 جاڭا جۇمىس ورنى قۇرىلعان. كەزەكتى ودان ارمەن تارقاتساق، الماتى وبلىسىندا 13 020 جۇمىس ورنى، الماتى قالاسىندا 12830، ماڭعىستاۋدا 11821، جامبىلدا 11643، اتىراۋ وبلىسىندا 10656، شىعىس قازاقستان وبلىسىندا 8529 جۇمىس ورنى جاڭادان اشىلسا، اقتوبەدە 8204، سولتۇستىك قازاقستاندا 7668، اقمولا وبلىسىندا 7217، پاۆلوداردا 7186، قىزىلوردادا 7017، باتىس قازاقستان وبلىسىندا 5938، قوستانايدا 5603، ال قاراعاندىدا 5493 جۇمىس ورنى قۇرىلعان.
جالپىلاي ايتقاندا، قازاقستاندا جىل باسىنان بەرى جارتى جىلدا 170206 جاڭا جۇمىس ورنى قۇرىلسا، ونىڭ 118240 ورنى تۇراقتى جۇمىس ورنىنا جاتادى. ال اشىلعان جۇمىس ورىندارىنىڭ 78 مىڭعا جۋىعى اۋىلدى جەرلەردە اشىلعان.
