Fabrıkanyń jumysymen tanysqan oblys ákimi J.Túımebaev shaǵyn jáne orta kásipkerlikti damytý, bul el ekonomıkasynyń damýynyń kepili ekenin aıtty.
– Jalpy ónerkásipti damytý Elbasymyzdyń bizdiń aldymyzǵa qoıǵan mindetiniń biri. Búgin mine, Saıram aýdanynda qanshama turǵyndy jumyspen qamtyp otyrǵan jańa kásiporyn ashylyp otyr. Sonymen qatar, fabrıkanyń ashylýymen aýdannyń óńdeý ónerkásibindegi úlesi artatyn bolady. Sizder óz sózderińizde fabrıkanyń ónimi Italıa jıhazdarynan kem bolmaıdy dedińizder. Budan bylaı jurt «Saıram sapasy» degen termındi qoldanatyndaı dárejege jetińizder, – degen ákim kásiporynnyń jumysshylaryna sáttilik tiledi.
Mundaǵy ónimniń sapasy joǵary sapaly nemis jáne ıtalándyq jabdyqtary men qazirgi zamanǵy materıaldardy paıdalaný arqyly qamtamasyz etiledi. Sondaı-aq, fabrıka ónimderi sapa menejmenti men ekologıalyq taza degen sertıfıkatpen rastalǵan. Budan bólek, óndiris orny ıtalándyq dızaınerlerdiń qatysýymen ekologıalyq taza materıaldardy jáne senimdi komponentterdi paıdalana otyryp, tutynýshyǵa tek joǵary sapaly jıhaz usynbaq.
«Bella Mebel» taýar belgisimen shyǵatyn fabrıkanyń ónimderin aldaǵy ýaqytta elimizdiń barlyq aımaqtaryndaǵy jıhaz dúkenderinen satyp alýǵa bolady.
Jalpy Saıram aýdanyndaǵy ónerkásip qurylymynyń 86 paıyzyn óńdeý ónerkásibi qurasa, onyń ishinde jıhaz shyǵarý salasyndaǵy úlesi 1 paıyzdy ǵana quraıtyn. Osy rette, aýdanda ashylyp otyrǵan jıhaz shyǵaratyn fabrıka ónim kólemin 600 mln.teńgege deıin arttyryp, óńdeý ónerkásibindegi úlesi 3 paıyzǵa deıin artpaq.
OQO ákiminiń baspasóz qyzmeti
