Ońtústik Qazaqstan oblysynda aǵymdaǵy jyly qosymsha 24,9 myń sharýa qojalyq 102 kooperatıvke birigetin bolady. Nátıjesinde 2,7 myń tonna et, 34,2 myń tonna sút, 6 myń tonna jemis, 5 myń tonna kókónis daıyndalady dep josparlanýda. Búgin bul týraly OQO óńirlik komýnıkasıalar qyzmetinde ótken brıfıńte oblystyq aýyl sharýashylyǵy basqarmasynyń basshysy Serik Turbekov málim etti.   

Sonymen qatar, 3173 birlik shaǵyn mal bordaqylaý alańy, 731 birlik januıalyq sút ferma, 15 birlik shaǵyn qus fermasy jáne  7 birlik balyq sharýashylyqtary ashylady dep kútilýde.

Basqarma basshysynyń aıtýynsha, negizgi kapıtalǵa baǵyttalǵan ınvestısıa  - 197 paıyzǵa, al tamaq ónimderine tartylǵan ınvestısıa 60 paıyzǵa jetkizilmek.

«Baǵdarlamaǵa sáıkes aǵymdaǵy jyly 54 mlrd teńgeni quraıtyn 49 ınvestısıalyq joba qarjylandyrylady. Azyq-túlik ónimderiniń eksportynyń kólemi - 350 mln. AQSH dollaryn quraıtyn bolady. Sondaı-aq, «Damý» baǵdarlamasy boıynsha aýyl sharýashylyǵy daqyldary 15 myń gektarǵa artyp, jalpy 833 myń gektarǵa jetetin bolady», - dedi Serik Ordabekuly.

Budan bólek, ıntensıvti baýlar - 800 gektarǵa, júzim - 736 gektarǵa, jańǵaq sharýashylyǵy qosymsha 1000 gektar jerge otyrǵyzý josparlanýda.

Aǵymdaǵy jyly jylyjaı kólemi 200 gektarǵa artyp, jalpy kólemi 1500 gektarǵa jýyq aýmaqty qamtıtyn bolady. Al 13,8 myń gektar sýarmaly jerler jańadan aınalymǵa qosylady. Tamshylatyp sýǵarý ádisi 7,2 myń gektarǵa engizilip, onyń jalpy kólemi 65,7 myń gektarǵa jetpek.

 

OQO ákiminiń baspasóz qyzmeti