Oblystyq qurylys basqarmasynyń basshysy Q.Jamashev tóraǵalyq etken sharada jastar saıasaty máseleleri jónindegi basqarmasy men merdiger mekeme basshylary jáne M.Áýezov atyndaǵy OQMÝ-diń 150-ge jýyq stýdenti qatysty.
Májiliste sóz alǵan qurylys basqarmasynyń basshysy Q.Jamashev qazirdiń ózinde 300 stýdenttiń tizimi jasaqtalyp, jumysqa kirisip ketkenin jetkizdi
– Stýdenttik jasaqtardyń negizgi atqaratyn jumystary jer qazý, beton quıý, kirpish qalaý, úı tóbesin jabý, sylaq jumystaryn júrgizý. Bıyl jasaq sarbazdary oblysymyzdaǵy «SıtıStroı», «Aq ordasy», «Otaý-stroı» sekildi onnan astam qurylys kompanıalarynda eńbek etetin bolady, – deıdi oblystyq qurylys basqarmasynyń basshysy Q.Jamashev.
Aıta keteıik, 2004 jyldan bastap Shymkent qalasyndaǵy birqatar merdiger kompanıa basshylarymen kelissóz júrgizip, stýdentterdiń jazǵy demalys ýaqytyn tıimdi paıdalaný maqsatynda stýdenttik qurylys jasaqtaryn eńbekpen qamtý jumystaryn dástúrli túrde júrgizip keledi. Máselen, 2013 jyly stýdent jasaqtary qatarynda 400, 2014 jyly – 458, 2015 jyly – 500 stýdent eńbekpen qamtylyp, jazǵy demalystaryn tıimdi paıdalanǵan. Olardyń ortasha aılyq jalaqylary 50-70 myń kóleminde tólenip, kúnine bir mezgil ystyq tamaq berilgen.
– Jalpy búgingi tańda oblysymyzda 12 joǵary oqý orny bar. Onda bilim alyp jatqan jastardyń sany 70 myńǵa jýyqtaıdy. Bıylǵy stýdenttik jasaqqa tartylǵan jastardyń basym bóligin M.Áýezov atyndaǵy OQMÝ-diń qurylys mamandyǵyna oqıtyn stýdentteri qurap otyr. Shákirtter aldyn-ala ýnıversıtettiń arnaıy óndiristik aımaqtarynda is-tájirıbeden ótip, qurylys negizderi boıynsha oqý kýrstarynda bilim aldy, – dedi M.Seıtjaparov.
Jıyn sońynda jasaq sarbazdary qaı qurylys nysandarynda jumys isteıtinderinen habardar bolyp, eńbekterin abyroımen atqarýǵa ýáde etti.
OQO ákiminiń baspasóz qyzmeti
