وبلىستىق قۇرىلىس باسقارماسىنىڭ باسشىسى ق.جاماشيەۆ ءتوراعالىق ەتكەن شارادا جاستار ساياساتى ماسەلەلەرى جونىندەگى باسقارماسى مەن مەردىگەر مەكەمە باسشىلارى جانە م.اۋەزوۆ اتىنداعى ءوقمۋ-دىڭ 150-گە جۋىق ستۋدەنتى قاتىستى.
ماجىلىستە ءسوز العان قۇرىلىس باسقارماسىنىڭ باسشىسى ق.جاماشيەۆ ءقازىردىڭ وزىندە 300 ستۋدەنتتىڭ ءتىزىمى جاساقتالىپ، جۇمىسقا كىرىسىپ كەتكەنىن جەتكىزدى
– ستۋدەنتتىك جاساقتاردىڭ نەگىزگى اتقاراتىن جۇمىستارى جەر قازۋ، بەتون قۇيۋ، كىرپىش قالاۋ، ءۇي توبەسىن جابۋ، سىلاق جۇمىستارىن جۇرگىزۋ. بيىل جاساق ساربازدارى وبلىسىمىزداعى «سيتيستروي»، «اق ورداسى»، «وتاۋ-ستروي» سەكىلدى وننان استام قۇرىلىس كومپانيالارىندا ەڭبەك ەتەتىن بولادى، – دەيدى وبلىستىق قۇرىلىس باسقارماسىنىڭ باسشىسى ق.جاماشيەۆ.
ايتا كەتەيىك، 2004 جىلدان باستاپ شىمكەنت قالاسىنداعى ءبىرقاتار مەردىگەر كومپانيا باسشىلارىمەن كەلىسسوز جۇرگىزىپ، ستۋدەنتتەردىڭ جازعى دەمالىس ۋاقىتىن ءتيىمدى پايدالانۋ ماقساتىندا ستۋدەنتتىك قۇرىلىس جاساقتارىن ەڭبەكپەن قامتۋ جۇمىستارىن ءداستۇرلى تۇردە جۇرگىزىپ كەلەدى. ماسەلەن، 2013 جىلى ستۋدەنت جاساقتارى قاتارىندا 400، 2014 جىلى – 458، 2015 جىلى – 500 ستۋدەنت ەڭبەكپەن قامتىلىپ، جازعى دەمالىستارىن ءتيىمدى پايدالانعان. ولاردىڭ ورتاشا ايلىق جالاقىلارى 50-70 مىڭ كولەمىندە تولەنىپ، كۇنىنە ءبىر مەزگىل ىستىق تاماق بەرىلگەن.
– جالپى بۇگىنگى تاڭدا وبلىسىمىزدا 12 جوعارى وقۋ ورنى بار. وندا ءبىلىم الىپ جاتقان جاستاردىڭ سانى 70 مىڭعا جۋىقتايدى. بيىلعى ستۋدەنتتىك جاساققا تارتىلعان جاستاردىڭ باسىم بولىگىن م.اۋەزوۆ اتىنداعى ءوقمۋ-دىڭ قۇرىلىس ماماندىعىنا وقيتىن ستۋدەنتتەرى قۇراپ وتىر. شاكىرتتەر الدىن-الا ۋنيۆەرسيتەتتىڭ ارنايى وندىرىستىك ايماقتارىندا ىس-تاجىريبەدەن ءوتىپ، قۇرىلىس نەگىزدەرى بويىنشا وقۋ كۋرستارىندا ءبىلىم الدى، – دەدى م.سەيتجاپاروۆ.
جيىن سوڭىندا جاساق ساربازدارى قاي قۇرىلىس نىساندارىندا جۇمىس ىستەيتىندەرىنەن حاباردار بولىپ، ەڭبەكتەرىن ابىرويمەن اتقارۋعا ۋادە ەتتى.
وقو اكىمىنىڭ باسپا ءسوز قىزمەتى
