Ońtústik Iranǵa 6 myń bas qoi etin eksporttady
Jalpy, Iran Islam memleketi jylyna 2 mln. 400 myń tonnaǵa jýyq qoi etin tutynady. Bul Qazaqstan úshin et eskportyn arttyrýǵa zor múmkindik. Osyny tiimdi paidalanyp otyrǵan «Qaiyp ata» JShS-gi búginde et eksporttaý isin myqtap qolǵa alǵan. Qala irgesinde ornalasqan seriktestiktiń mal soiý beketinde táýligine 1000 basqa jýyq usaq mal soiylyp, arnaiy qaptamalarmalarǵa salynady. Halyqaralyq talaptarǵa sai etip salynǵan keshende mal soiýǵa barlyq jaǵdai jasalǵan. Keshende mal soiý oryndary, qoimalar men arnaiy tońazytqyshtar ornatylǵan. Bul jumystyń ónimdiligi men sapasynyń artýyna yqpal etedi.
«Qaiyp ata» JShS-niń mal bordaqylaý kesheni Qazyǵurt aýdanyndaǵy Jańabazar aýylynda ornalasqan. Keshende búginde 5 myńǵa jýyq iri qara bordaqylanýda. Sondai-aq seriktestiktiń enshisinde 20 myń bas usaq malǵa arnalǵan qora bar. Keshende ósiriletin tórt túliktiń eti ekologiialyq jaǵynan taza ári sapaly bolǵandyqtan suranys óte joǵary. Sondyqtan seriktestik et óndirip qana qoimai, ony shet elderge eksporttaý jumysyn da qolǵa alǵan. Máselen jyl basynan beri «Qaiyp ata» Iranǵa 6 myń bas qoi etin, Ózbekstanǵa 300 bas iri qara men 32 jylqy eksporttady.
Odan bólek, el naryǵyna 393 tonna siyr eti men 2 tonnaǵa jýyq qoi etin saýdalaǵan. Nátijesinde memleket tarapynan biyldyń ózinde 127,2 mln. teńge sýbsidiiaǵa qol jetkizipti. «Tabystyń kilti-birigýde» ekendigin túsingen seriktestik jyl basynda «Hanshaiym» kooperativin qurǵan bolatyn. Búginde kooperativ quramyna 50-den astam sharýa birikken. Olardyń barlyǵy mal bordaqylaýmen shuǵyldanady. Aldaǵy ýaqytta kooperativ menshigindegi maldyń sanyn 2000 bas iri qaraǵa jetkizip, jylyna 400 tonna et óndirý josparlanýda. Bul óńirdegi et eksportynyń damýyna erekshe serpin bermek.
Elbasy alǵa qoiǵan mindetterdiń biri eksporttyń áleýetin arttyrý, sonyń ishinde et eksporttyn damytý bolatyn. Ońtústikte bul baǵytta nátijeli jumystar atqarylýda. Máselen, aǵymdaǵy jyldyń 10 aiynda Ońtústik Qazaqstan oblysynan alys-jaqyn shet elderge 218 tonna iri qara, 110,8 tonna qoi men 2485 tonna qus eti eksporttalǵan. Sonymen qatar, biyl TMD men Eýropa elderine 4819 tonna balyq eti jóneltilgen. Bul jetistiktiń barlyǵy memlekettik qoldaýlar men agroónerkásip keshenin damytýǵa arnalǵan baǵdarlamalardyń tiimdiliginiń arqasy.
OQO ákiminiń baspasóz qyzmeti
