Tsirktik janrlarmen qamtylǵan tarihi beinelerdi Ońtústik-Tsirktiń ártisteri oinap shyqty. Qoiylym 95 minýtty qamtidy. Qoiylym barysynda kloýndar men akrobattar, áýe gimnasttary men qiynnan qiysqan triýkter arqyly jaýyngerlik úlgisin kórsetetin at óneriniń jigitteri, jyrtqysh ańdar men jan-janýarlar álemi qyzyqty nómirlerimen jańa obrazdardy oinap shyqty.
Táýelsizdiktiń 20 jyldyǵyna orai 2011 jyldyń 17 jeltoqsanynda saltanatty túrde ashylyp, paidalanýǵa berilgen Ońtústik-Tsirk mekemesi kúni búginge deiin kúngei ólkeniń turǵyndary úshin jeke, taqyryptyq baǵyttaǵy birneshe qoiylymdaryn usynǵan bolatyn. Olardyń ishinde «Alaqai, Balaqai-1,2», tsirkter arasynda alǵashqy teatrlandyrylǵan «Djýngli» qoiylymdary bar.
Kúngei ólkede boi kótergen kúrdeli janrly tsirk ǵimaratyna kásibi mamandar toptastyrylyp, óńirdiń daryndy jastary kóptep qamtylyp, qiyndyǵy men qyzyǵy qatar ónerge shyńdaldy. Búgingi kúnge deiin tsirk ártisteri respýblikalyq, halyqaralyq baiqaýlarda top jaryp, birqatar jeńisterdi baǵyndyryp úlgerdi.
OQO ákiminiń baspasóz qyzmeti
