Budan bólek, spıker Túrkistan qalasyndaǵy turmystyq-sharýashylyq jaǵdaıǵa kómir jetispeıtindigi týraly «Youtube» jelisinde shyqqan beınejazba 2017 jyly bolǵan oqıǵa ekenin, búginde Túrkistan qalasy boıynsha kómir tapshylyǵynyń joqtyǵyn aıtty.
– Túrkistan qalasynyń jylý maýsymyna turmystyq-sharýashylyqqa qajetti kómir otynynyń kerekti kólemi 90 myń tonnany qurasa, onyń búginge qamtamasyz etilgeni 85 myń tonna. Búgingi tańǵa, Túrkistan qalasyndaǵy kómir bazalaryndaǵy otynnyń qory 1,4 myń tonnany quraıdy. Qosymsha qalaǵa kúndelikti kómir tasymaldanýda. Oblystyq energetıka jáne turǵyn úı-kommýnaldyq sharýashylyq basqarmasy «Qazaqstan temir joly» kásipornymen birlesip kómir tasymaldaý barysyna kúndelikti monıtorıń júrgizilýde, – dedi M.Maraıym.
Brıfıń barysynda basqarma basshysy óńir turǵyndary jylyna turmystyq-sharýashylyq kómirge qajettiligi 1 mln. tonna ekenin aıtty. Onyń 750 myń tonnasyn turǵyndar paıdalansa, 250 myń tonnasy jyly jaılarǵa jumsalady. Búginge oblysqa 870 myń tonna kómir jetkizilgen bolsa, onyń 19 myń tonnasy kómir bazalarynda. Jalpy, oblysqa kúnine ortasha 2,5 myń tonna shamasynda kómir keledi.
Ońtústik óńirine turmystyq-sharýashylyq kómir, negizinen Qaraǵandy oblysynyń «Shubarkól» jáne Pavlodar oblysynyń «Maıkóbe» kenderinen tasymaldanady.
OQO ákiminiń baspasóz qyzmeti
https://dalanews.kz/33672
