Onyń aitýynsha, bul kooperativterge 40 myńǵa jýyq úi sharýashylyǵy men fermerlik qojalyqtar biriktirilgen.
Respýblikadaǵy barlyq jylyjailardyń 80 paiyzdan astamyn quraityn Ońtústikte biyl 200 gektar jerge jylyjai salynyp, olardyń jalpy alańy 1 323 ga jetip otyr. Al, tamshylatyp sýǵarý ádisi 7,2 myń ga engizilip, 58,2 myń ga artqan.
Brifingte ákim mal sharýashylyǵyn damytý baǵytynda 3 013 birlik shaǵyn mal bordaqylaý alańdary men 722 birlik januialyq sút fermalary, 14 birlik shaǵyn qus fermalary, 4 birlik balyq sharýashylyqtary ashylatynyn habarlady.
Sonymen qatar, Memleket basshysy 2025 jylǵa qarai shikizattyq emes eksportty 2 ese ulǵaitý mindeti turǵandyǵyn aitqan bolatyn. Osy baǵytta oblysta aldaǵy bes jylda shikizat sektorynan eksportqa baǵyttalǵan daiyn ónim sektoryna ótý boiynsha Qazyǵurt aýdanynda qurǵaq sút jáne sary mai shyǵaratyn zaýytyn salyp, iske qosý jumystary júrgizilýde. Joba quny 603 mln. teńge bolatyn kásiporynnyń jyldyq qýattylyǵy 17,5 myń tonna. Sondai-aq, «Ordabasy-Qus» JShS-men kúrke taýyq etin óndirýdi 25 myń tonnaǵa ulǵaitý boiynsha kelisimge qol qoiylǵan.
OQO ákiminiń baspasóz qyzmeti
