Ońtústik ónerpazdary oblys ákiminiń syilyǵyna ie boldy
Shymkent qalasynda mádeniet jáne óner qyzmetkerleriniń kúnine orai «Mádeni qyzmet – mereili mindet» atty mádeni is-sharasy ótti. Shara barysynda elimizdiń mádeniet jáne rýhaniiat salasyna eńbegi sińgen bir top óner jáne ádebiet qairatkerlerine oblys ákiminiń arnaiy syilyǵy tabys etildi.
Oblys ákimi Janseiit Qanseiitulynyń qolynan syilyq alǵandardyń qatarynda jazýshy Ádihan Shilterhanov, aqyn-sazger, dramatýrg Israil Saparbai, ánshi Aqjol Meiirbekov, Nurlan Ónerbaev, Altynai Jorabaeva syndy sańlaqtar bar.
– Ońtústik Qazaqstan oblysyndaǵy kásibi teatrlardyń sany 8-ge jetip, onda jyl saiyn 40-tan astam jańa spektakl sahnalanyp keledi. Osynyń ózi Ońtústik jurtshylyǵynyń shynaiy ónerge degen yqylas-peiilin tanytsa kerek. Jyl saiyn oblys ortalyǵynda «Teatr kóktemi» festivali ótkiziledi. Barshańyzǵa mádeniet pen ónerge qyzmet etý jolynda zor densaýlyq, shabyt, jańa shyǵarmashylyq tabystar tileimin, – dedi oblys ákimi Janseiit Qanseiituly.
Mádeniet jáne óner qyzmetkerleriniń atynan Qazaqstannyń eńbek sińirgen artisi, J.Shanin atyndaǵy oblystyq akademiialyq qazaq drama teatrynyń artisi Sapar Ótemisov oblys ákimine alǵys tilegin bildirdi.
Kesh barysynda óńirimizdiń 8 ónerpazyna Qazaqstan Respýblikasynyń Mádeniet jáne sport ministrliginiń «Mádeniet salasynyń úzdigi» tósbelgileri men oblys ákiminiń gramotalary tabystaldy. Sondai-aq «Túrkistan 2017 jyl - Túrki áleminiń mádeni astanasy» jylynyń saltanatty ashylýy men túrki áleminiń «Naýryznama» merekesin uiymdastyrýǵa atsalysqan shyǵarmashylyq ujymdarǵa oblys ákiminiń atynan alǵys hattar berildi.
Is-shara barysynda «EKSPO-2017» halyqaralyq mamandandyrylǵan kórmesine arnalǵan M.Aitjanovtyń «EKSPO» ániniń tusaýy kesildi. Oblystyq mádeniet jáne óner mekemeleriniń qyzmetkerlerinen quralǵan hordyń oryndaýyndaǵy án aldaǵy ýaqytta EKSPO-2017 kórmesinde shyrqalatyn bolady. Kesh sońy keremet kontserttik baǵdarlamaǵa ulasty.
OQO ákiminiń baspasóz qyzmeti
