Ońtústik Koreia prezidentine qarsy tergeý bastaldy,- dep habarlaidy Dalanews.kz.
Sheteldik BAQ málimetinshe, politsiia Ońtústik Koreia prezidenti Iýn Sok Elge memleketke opasyzdyq jasady degen aiyppen tergeýdi bastady.
Málimetke súiensek, aiyptalýshylar qatarynda prezident Iýn Sok El, burynǵy ministr Kim En Hen, armiia shtabynyń bastyǵy Pak An Sý, Seýl qalalyq politsiia basqarmasynyń komissary Kim Bon Sik jáne aty atalmaǵan sarbazdar, politsiia qyzmetkerleri bar.
"Prezident Iýnǵa qatysty eki shaǵymdy, sonyń ishinde satqyndyq týraly aiyptaýlardy Ulttyq qaýipsizdik tergeý departamentine jiberdik", - dedi Ulttyq tergeý shtabynyń ókili.
"Otan" innovatsiialar partiiasy da prezident pen burynǵy ulttyq qorǵanys ministrine qarsy shaǵym túsirgen.
Azamattyq qoǵam toptarynyń 59 belsendisi, sonyń ishinde Koreia kásipodaqtar konfederatsiiasynyń tóraǵasy Ian Ken Sý da "Demokratiialyq qoǵam úshin zańgerler" uiymy arqyly shaǵym túsirdi.
Shaǵymdarda kóterilis, búlik, bilikti asyra paidalaný, tutqyndaýǵa itermeleý, quqyqtardy júzege asyrýǵa kedergi jasaý jáne Ulttyq assambleia otyrystaryna kedergi jasaý siiaqty bes aiyptaý keltirilgen.
