Agrarly aımaq dıqandary qazirgi tańda jınalǵan baqsha daqyldaryn jergilikti saýda oryndarynan bólek, elimizdiń ózge aımaqtary men shet elderine eksportqa shyǵarýda. Máselen, Reseıge 35 myń tonna qarbyz, 16 myń tonna qaýyn, al Belarýs eline 481 tonna qaýyn-qarbyz jóneltilse, Latvıaǵa 127 tonna qaýyn esporttalǵan. Al qalǵany el naryǵynda satylýda.
Al, búginde baqsha daqyldaryn egýde oblystaǵy eń iri agro aımaq bolyp sanalatyn Maqtaaral aýdanynyń turǵyndary 24 myń gektar jerge baqsha ónimin ekken. Dıqandar egilgen qaýyn-qarbyzdan 74 myń tonnadan astam ónim jınap, saýdalaǵan. Olar ónimniń 70 paıyzyn shetelge, qalǵan 30 paıyzyn otandyq naryqqa shyǵarǵan.
Maqtaraldyq dıqandar byltyr eskport pen ishki naryqty qosa eseptegende 7,6 mıllıard teńgeniń qaýyn-qarbyzyn satqan. Bul qarjynyń 70 paıyzy shet eldermen aradaǵy saýdadan túsken. Bıyl egilgen qaýyn-qarbyzdyń kólemi 1000 gektarǵa artyq, sondyqtan da ónim kólemi men túsetin tabys byltyrǵyǵa qaraǵanda joǵary bolady dep kútilýde.
OQO ákiminiń baspasóz qyzmeti
