Ońtústik biyl 226 kópqabatty turǵyn úidiń qurylysy júrgizilýde
Onyń aitýynsha, atalǵan qurylys jumystardyń 123-i osy jyldyń sońyna deiin paidalanýǵa berilý josparlansa, 73 nysan 2018 jylǵa ótpeli.
Osynyń ishinde búgingi kúnge 7 nysan qurylysy paidalanýǵa berilgen. Atap aitar bolsaq, Saryaǵash aýdanynda 4 qabatty 36 páterli turǵyn úi, Otyrarda injenerlik-kommýnikatsiialyq júieler men Túrkistan qalasyndaǵy aýysymyna 100 adam qabyldaityn Shornaq aýyldyq emhanasy, Maqtaral, Ordabasy, Otyrar aýdandarynda 50 adam qabyldaityn 3 dárigerlik ambýlatoriia men Shymkent qalasyndaǵy qoqys qaldyqtaryn rekýltivatsiialaý nysandary.
Qurylys salasynda atqarylǵan jumystardy baiandaǵan basqarma basshysy salynǵan qurylystardyń barlyǵy da, halyqtyń áleýmettik jaǵdaiyn arttyrýǵa baǵyttalǵanyn atap ótti.
− Biylǵy jyldyń qańtar-naýryz ailarynda oblys aýmaǵynda qurylys jumystary kóleminiń indikatory 24,3 mlrd. teńgeni qurap, ótken jyldyń osy merzimimen salystyrǵanda 109,3%-ǵa oryndaldy. «Nurly jer» turǵyn úi qurylysy baǵdarlamasy aiasynda biyl oblysymyzda 550,6 myń sh.m. turǵyn úi paidalanýǵa tapsyrý mindettelgen. Barlyq qarjylandyrý kózderi arqyly osy jyly 700 myń sh.m. bolatyn 226 turǵyn úidiń qurylysy júrgizilip jatsa, 117 kópqabatty turǵyn úidiń qurylysyn aiaqtap paidalanýǵa berý kózdelýde, − dedi S.Polatov.
Sonymen qatar, spiker 2017 jyldyń qańtar-naýryz ailarynda oblys aýmaǵynda baǵdarlamanyń barlyq baǵyttary boiynsha 1758 páter iaǵni, 206,2 myń sharshy metr turǵyn úi tapsyrylyp, ótken jyldyń osy merzimimen salystyrǵanda 100,1%-ǵa oryndalǵanyn atap ótti.
OQO ákiminiń baspasóz qyzmeti
