ونىڭ ايتۋىنشا، اتالعان قۇرىلىس جۇمىستاردىڭ 123ء-ى وسى جىلدىڭ سوڭىنا دەيىن پايدالانۋعا بەرىلۋ جوسپارلانسا، 73 نىسان 2018 جىلعا وتپەلى.
وسىنىڭ ىشىندە بۇگىنگى كۇنگە 7 نىسان قۇرىلىسى پايدالانۋعا بەرىلگەن. اتاپ ايتار بولساق، سارىاعاش اۋدانىندا 4 قاباتتى 36 پاتەرلى تۇرعىن ءۇي، وتىراردا ينجەنەرلىك-كوممۋنيكاسيالىق جۇيەلەر مەن تۇركىستان قالاسىنداعى اۋىسىمىنا 100 ادام قابىلدايتىن شورناق اۋىلدىق ەمحاناسى، ماقتارال، ورداباسى، وتىرار اۋداندارىندا 50 ادام قابىلدايتىن 3 دارىگەرلىك امبۋلاتوريا مەن شىمكەنت قالاسىنداعى قوقىس قالدىقتارىن رەكۋلتيۆاسيالاۋ نىساندارى.
قۇرىلىس سالاسىندا اتقارىلعان جۇمىستاردى بايانداعان باسقارما باسشىسى سالىنعان قۇرىلىستاردىڭ بارلىعى دا، حالىقتىڭ الەۋمەتتىك جاعدايىن ارتتىرۋعا باعىتتالعانىن اتاپ ءوتتى.
− بيىلعى جىلدىڭ قاڭتار-ناۋرىز ايلارىندا وبلىس اۋماعىندا قۇرىلىس جۇمىستارى كولەمىنىڭ ينديكاتورى 24،3 ملرد. تەڭگەنى قۇراپ، وتكەن جىلدىڭ وسى مەرزىمىمەن سالىستىرعاندا 109،3%-عا ورىندالدى. «نۇرلى جەر» تۇرعىن ءۇي قۇرىلىسى باعدارلاماسى اياسىندا بيىل وبلىسىمىزدا 550،6 مىڭ ش.م. تۇرعىن ءۇي پايدالانۋعا تاپسىرۋ مىندەتتەلگەن. بارلىق قارجىلاندىرۋ كوزدەرى ارقىلى وسى جىلى 700 مىڭ ش.م. بولاتىن 226 تۇرعىن ءۇيدىڭ قۇرىلىسى جۇرگىزىلىپ جاتسا، 117 كوپقاباتتى تۇرعىن ءۇيدىڭ قۇرىلىسىن اياقتاپ پايدالانۋعا بەرۋ كوزدەلۋدە، − دەدى س.پولاتوۆ.
سونىمەن قاتار، سپيكەر 2017 جىلدىڭ قاڭتار-ناۋرىز ايلارىندا وبلىس اۋماعىندا باعدارلامانىڭ بارلىق باعىتتارى بويىنشا 1758 پاتەر ياعني، 206،2 مىڭ شارشى مەتر تۇرعىن ءۇي تاپسىرىلىپ، وتكەن جىلدىڭ وسى مەرزىمىمەن سالىستىرعاندا 100،1%-عا ورىندالعانىن اتاپ ءوتتى.
وقو اكىمىنىڭ باسپا ءسوز قىزمەتى
