Memleket basshysynyń «Ult jospary 100 naqty qadamynyń»  86-qadamynda  Qazaqstan halqy Assambleıasynyń «Úlken el – úlken otbasy» keń kólemdi jobasyn ázirleý jáne júzege asyrý, ol qazaqstandyqtardyń birtektiligin nyǵaıtady jáne azamattyq qoǵamnyń bútindigin qalyptastyrý úshin jaǵdaı týǵyzady» dep atap ótken bolatyn.  Osy oraıda Ońtústik Qazaqstan oblystyq Qazaqstan halqy Assambleıasynyń uıytqy bolýymen «Otyrar»  kitaphanasynda qoǵamdyq sanany jańǵyrtýǵa arnalǵan júzdesý ótti, dep habarlaıdy oinet.kz saıtyna silteme jasap dalanews.kz.

Kezdesýge  M.Qulkenov, E.Raýshanov, J.Qorǵasbek, A.Álimuly syndy beldi qalamgerler men oblystyq assambleıa janyndaǵy qurylymdardyń jetekshileri, etnomádenı birlestikterdiń tóraǵalary, zıaly qaýym ókilderi, «Dostyq» klýbtarynyń músheleri, kitaphana oqyrmandary jáne BAQ ókilderi qatysty.

Elbasy maqalasynan týyndaıtyn negizgi mindetter men ony iske asyrý jaıy qaralǵan jıynda qoǵamdyq sanany jańǵyrtý jaıy jan-jaqty sóz boldy. Jıynda qalamgerler eski sarqynshaqtardan eń aldymen ońtústiktiń tazarýy kerektigine toqtaldy. Ońtústik – ultymyzdyń uıytqysy, bereke-birliktiń bastaýynan túspeýi kerektine erekshe mán bergen qonaqtar jańǵyrýdyń jaqsy jaqtary osy jerden bastalýy zańdy ekenin erekshe jetkizdi.

Kezdesýdi OQO QHA tóraǵasynyń orynbasary M.Qalmuratov qorytyp, oblystyq assambleıasy Elbasy maqalasy aıasynda atqarylatyn ıgi is-sharalardy dástúrli túrde uıymdastyratynyn jetkizdi.