2025 jyly jergilikti biýdjetterdiń respýblikalyq biýdjetke táýeldiligi 50 paiyzdy qurady. Bul týraly Qarjy ministri Mádi Takiev Parlament palatalarynyń birlesken otyrysynda málimdedi, dep habarlaidy Dala News.
Ministrdiń aitýynsha, ótken jyly óńirlerdi qoldaýǵa respýblikalyq biýdjetten 7,7 trillion teńge bólingen.
«Óńirlerdi qoldaýǵa 7,7 trln teńge baǵyttaldy. Jergilikti biýdjetterdiń respýblikalyq biýdjetke táýeldiligi 2025 jyly 50 paiyzdy qurady», – dedi Mádi Takiev.
Sonymen qatar ministr respýblikalyq biýdjet shyǵystary jospardyń 99 paiyzy kóleminde oryndalyp, jalpy kólemi 25,5 trillion teńgeni quraǵanyn aitty.
Onyń sózinshe, Úkimet barlyq áleýmettik mindettemelerdi tolyq oryndaǵan.
Ministrdiń málimetinshe, áleýmettik salaǵa 9,3 trillion teńge bólingen. Onyń ishinde 5,9 trillion teńge zeinetaqy men járdemaqylarǵa, al 2,1 trillion teńge Mindetti áleýmettik meditsinalyq saqtandyrý qoryna baǵyttalǵan.
Jalpy alǵanda, Úkimettiń málimetinshe, respýblikalyq biýdjet áleýmettik baǵyttaǵy basymdyqtaryn saqtap otyr.
