Túrkistanda Maqtaaral aýdanynyń mádeni kúnderi qorytyndylandy. «Ónerli ólke» oblystyq óner festivali aiasynda uiymdastyrylǵan is-shara eki kún boiy qala turǵyndary men qonaqtaryna kóterińki kóńil kúi syilady, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Aýdan ónerpazdarynyń «Kerýen sarai» týristik kesheninde ótken gala-kontsertinde belgili ánshi, óner juldyzy Jubanysh Jeksenuly qonaq boldy. Saltanatty sharaǵa aýdan ákiminiń orynbasary Altyn Eshanqulova arnaiy qatysyp, kelgen kórermenge alǵysyn bildirdi.
Budan bólek «Dariǵa» bi ansambli, «Merei» vokaldy-aspapty ansambli, «Tumar» bi ansambli, Bekbosyn Myqtybek, Aina Meiirbekova, Lobarhon Zahidova, Makhambai Qurbanov, Jańabai Saifýddinov, Jánibek Taǵaeev, Abdývali jáne Saidvali Kalandarovtar, Birjan Jantý, Nurdáýlet Jalalov, Madina Áýezova, Oleg Baharaev, Aqerke Zulpyharova jáne taǵy basqalar óner kórsetti.
Sharanyń alǵashqy kúni ulttyq qundylyqtar dáripteldi. Etnoaýyl aýmaǵynda salt-dástúr men ádet-ǵumyr kórinisteri kórsetildi. Ulttyq taǵam túrleri tanystyryldy. Dástúrli ánshi, jyrshy-termeshi, aitys jáne «Aq altyn» halyqtyq ult-aspaptar ansambliniń kontserti ótkizildi. Maqtaaral aýdanynyń jetistikteri týraly kitap jáne foto kórmeleri, sýretshiler men qolóner sheberleriniń kórmesi, Maqta sharýashylyq tarihi mýzei kórmesi jasaqtaldy. Sonymen qatar aýyl sharýashylyǵy ónimderiniń jármeńkesi ótip, qala turǵyndaryna taratyldy. Kelesi kúni kúndiz Etnoaýylda asyq oinaý, gir tasyn kóterý, arqan tartý sekildi ulttyq sporttyq oiyndarynan saiys ótkzilip, jeńimpazdar marapattaldy. Sodan soń teatraldy qoiylymdar kórsetildi.
Aita keteiik, festival maqsaty ulttyq mádeniet pen ónerimizdi damytý, Túrkistannyń týristik áleýetin damytý bolyp sanalady. Óner baiqaýy jaz boiy ótkizilip, kúz ailaryna deiin jalǵasady. Kelesi bolyp mádeni kóshti Saryaǵash aýdanynyń ónerpazdary jalǵaidy dep josparlanýda.
