Qazaqstanda óner adamdary, sonyń ishinde ánshiler men ártister toidan túsken tabysyn mindetti túrde salyq deklaratsiiasyna engizýi kerek. Bul týraly Qarjy ministri Mádi Tákiev málimdedi, dep habarlaidy Dalanews.kz.
Ministrdiń aitýynsha, Konstitýtsiianyń 35-babynda ár azamattyń salyq tóleý mindeti bekitilgen.
“Qosymsha tabys bolsa, salyq tóleý qajet. Mysaly, ártister toilarda óner kórsetedi, túrli is-sharalarǵa qatysady. Sol tabysty jyl sońyna deiin deklaratsiiada kórsetýi tiis. Jyldyq tabys 31 naýryzǵa deiin tapsyrylady, al salyq sáýirdiń 10-na deiin tólenýi kerek. Mólsheri – 10 paiyz”, – dedi Tákiev.
Onyń aitýynsha, bul talap barlyq qosymsha tabys kózderine, sonyń ishinde áleýmettik jelilerden nemese jarnamadan túsken kiristerge de qatysty bolmaq.
