Óndiriste qaýipsizdik sharalary qalai saqtalýda?
Kúni keshe ǵana QR Tótenenshe jaǵdailar ministrligine qarasty Ónerkásiptik qaýipsizdik komitetiniń tóraǵasy Nyǵmetjan Maqajanov el aýmaǵyndaǵy óndiris oshaqtarynyń qaýipsizdik sharalaryn qalai saqtap otyrǵanyna tekserý júrgizip, nátijesin dúiim jurtqa jariia etti.
Úkimet shaǵyn jáne orta biznestiń órkendeýi úshin memlekettik organdar tarapynan tekserýlerdiń birshama azaitqany belgili. Desek te qaýipsizdik sharalary qatań saqtalýy tiis óndiris oryndarynda qaýipsizdik sharalarynyń saqtalýyn uidaiy qadaǵalap, qarapaiym eńbek adamdaryn túrli qaýip-qaterlerden saqtaý úshin tekserý júrgizip turýdyń mańyzy zor.
Kásiporyndarda qaýipsizdik sharalarynyń saqtalýyna qadaǵalaityn Ónerkisiptik qaýipsizdik komiteti biyl belgilengen kestege sai elimizdegi 630 kásiporynǵa tekserý júrgizse, jospardan tys 371 tekserý júrgizgenin aita ketýimiz kerek.
Nátijesinde 18 640 nysan tekserilip, 17 588 túrli qaýipsizdik sharalaryn saqtamaý isi anyqtalǵan. Bul jaiyndaǵy aqparatty Ónerkásiptik qaýipsizdik komitetiniń tóraǵasy Nyǵymetjan Maqajanov málim etti.
Óndiris oryndarynda tótenshe jaǵdailarǵa jol bermeý úshin qaýipsizdik sharalaryn qatań saqtaýy mańyzdy. Sol kezde oqys oqiǵalardan qarapaiym eńbek adamdary zardap shekpeitini belgili. Bul rette kásiporyndardyń bári qaýipsizdik sharalaryn saqtai bermeitini jasyryn emes.
Tekserý barysynda Ónerkásiptik qaýipsizdik komiteti inspektorlary birqatar kásiporyndardyń ústinen ákimshilik quqyq buzýshylyq boiynsha is qozǵaǵanyn aita ketýimiz kerek. Sonymen qatar 747 ákimshilik aiyppul salanyp, onyń jalpy kólemi 100 mln teńgeni quraǵan.
280 nysanda qaýipsizdik sharalaryna qatysty óreskel qatelikterge jol berilip, kásiporyn qyzmetkerleriniń ómiri men densaýlyǵyna qaýip tóndiretin jaittar anyqtalǵannan keiin inspektorlar olardyń jumysyn ýaqytsha toqtatýǵa májbúr bolǵan.
Jyl basynan beri qaýipti óndiristik nysandarda 14 apatty jaǵdai oryn alyp, 187 jaǵdai tirkelgen. Osy rette inspektorlar apatty jaǵdai kómir óndirý, metalýrgiia jáne munaigaz salasynda jii oryn alatynyn alǵa tartýda. Osy tótenshe jaǵdai kezinde 6 adam túrli deńgeide dene jaraqatyn alyp, bir adam salǵyrttyqtan kóz jumǵan.
Osyndai tótenshe oqiǵalardyń aldyn alý úshin Ónerkásiptik qaýipsizdik komiteti inspektorlarynyń josparly jáne jospardan tys tekserý jumystaryn júrgizip turýynyń mańyzy zor.
Nurlan JUMAHANOV
