Qostanai oblystyq soty málimdegendei sot oryndaýshy Músilim Ońdaǵanovtyń memleket aldyndaǵy 51,8 mln teńge qaryzyn tolyq ótegeni týraly ótirik aqpar berip, sýdiany shatastyrǵan.
Aita ketelik Ońdaǵanov 2014 jyly biýdjetke aýyz salyp, millliondardy maqsatsyz jumsaǵany úshin 9 jyl 9 aiǵa sottalǵan.
Jazasyn osy kúnge deiin Qostanaidaǵy 161/2 koloniiasynda ótedi. 7 jyl 3 ai boiy abaqtyda otyrǵan Ońdaǵanov shartty túrde merziminen buryn bosatylǵan.
Sot oryndaýshy "Ońdaǵanov memleket aldyndaǵy 51,8 mln teńge bereshegin tolyq ótedi" dep esep bergen.
Qostanai oblysynyń prokýratýrasy atalǵan isti qaita qozǵap, sonyń barysynda Ońdaǵanovtyń qaryzdy qaitarmaǵany anyqtaldy. Oblys prokýrory sot sheshimin qaita qaraý týraly shaǵym túsirip, Ońdaǵanov qaitara qamaýǵa alyndy.
Ázir sýdiaǵa jalǵan málimet bergen sot oryndaýshy tergelýde. Tutastai alǵanda biýdjet aqshasyn jeýmen ainalysqan "Ońdaǵanovtyń qylmystyq toby" memleketke 67 mln teńge qaryz, onyń ishindegi 51,8 mln teńgeni Batys Qazaqstan oblystyq sport basqarmasynyń eks-basshysy óz qaltasynan ótep berýi tiis.
Sonyń aldynda Ońdaǵanov túrmeden úndeý jazyp áriptesterinen múldem para almaýyn ótingen edi. Ol sheneýnikterden óziniń qateligin qaitalamaýdy suraǵan.
