قوستاناي وبلىستىق سوتى مالىمدەگەندەي سوت ورىنداۋشى ءمۇسىلىم وڭداعانوۆتىڭ مەملەكەت الدىنداعى 51،8 ملن تەڭگە قارىزىن تولىق وتەگەنى تۋرالى وتىرىك اقپار بەرىپ، سۋديانى شاتاستىرعان.
ايتا كەتەلىك وڭداعانوۆ 2014 جىلى بيۋدجەتكە اۋىز سالىپ، ميللليونداردى ماقساتسىز جۇمساعانى ءۇشىن 9 جىل 9 ايعا سوتتالعان.
جازاسىن وسى كۇنگە دەيىن قوستانايداعى 161/2 كولونياسىندا وتەدى. 7 جىل 3 اي بويى اباقتىدا وتىرعان وڭداعانوۆ شارتتى تۇردە مەرزىمىنەن بۇرىن بوساتىلعان.
سوت ورىنداۋشى "وڭداعانوۆ مەملەكەت الدىنداعى 51،8 ملن تەڭگە بەرەشەگىن تولىق وتەدى" دەپ ەسەپ بەرگەن.
قوستاناي وبلىسىنىڭ پروكۋراتۋراسى اتالعان ءىستى قايتا قوزعاپ، سونىڭ بارىسىندا وڭداعانوۆتىڭ قارىزدى قايتارماعانى انىقتالدى. وبلىس پروكۋرورى سوت شەشىمىن قايتا قاراۋ تۋرالى شاعىم ءتۇسىرىپ، وڭداعانوۆ قايتارا قاماۋعا الىندى.
ءازىر سۋدياعا جالعان مالىمەت بەرگەن سوت ورىنداۋشى تەرگەلۋدە. تۇتاستاي العاندا بيۋدجەت اقشاسىن جەۋمەن اينالىسقان "وڭداعانوۆتىڭ قىلمىستىق توبى" مەملەكەتكە 67 ملن تەڭگە قارىز، ونىڭ ىشىندەگى 51،8 ملن تەڭگەنى باتىس قازاقستان وبلىستىق سپورت باسقارماسىنىڭ ەكس-باسشىسى ءوز قالتاسىنان وتەپ بەرۋى ءتيىس.
سونىڭ الدىندا وڭداعانوۆ تۇرمەدەن ۇندەۋ جازىپ ارىپتەستەرىنەن مۇلدەم پارا الماۋىن وتىنگەن ەدى. ول شەنەۋنىكتەردەن ءوزىنىڭ قاتەلىگىن قايتالاماۋدى سۇراعان.
