Qazaqstanda IMEI nómirlerdi tekserý fýnktsiiasyn memleketke qaitarý týraly petitsiia jariialandy, dep habarlaidy Dalanews.kz.
Azamattar "ATS Mediafon KZ" JShS kompaniiasynyń mobildi qurylǵylardyń IMEI nómirlerin verifikatsiialaý jónindegi monopoliiasyna alańdaýshylyq bildirdi. Petitsiia avtory - Álihan Armanuly.
Belsendilerdiń aitýynsha, kompaniia keiingi eki jylda 15 millionnan asa qurylǵyny tirkep, shamamen 60 mlrd teńge tabys tapqan. Sonymen qatar, onyń resmi saity men ashyq esebi joq, al serverleri shetelde ornalasqan.
Petitsiiada "ATS Mediafon KZ" depýtat Talǵat Óteýbaev pen onyń kúieý balasy Vladislav Safarovqa bailanysty ekeni aitylady. Sonymen qatar, Safarov buǵan deiin Bolat Nazarbaevpen affilirlengen biznes qurylymdarda jumys istegeni de atap ótilgen.
Qoǵam IMEI nómirlerdi tirkeý jáne azamattardyń derekterin qorǵaý strategiialyq mańyzy bar is dep esepteidi jáne bul fýnktsiiany memleketke qaitarýdy, sondai-aq, kompaniia qyzmetin aýditten ótkizýdi talap etip otyr.
