ONAY! Almaty qalasy oqýshylaryna arnalǵan jeńildikpen beriletin vırtýaldy kartalardyń pılottyq jobasyn iske qosty, sondaı-aq vırtýaldy kartalar úshin jańa jol júrý abonementterin usyndy. Bul sıfrlyq sheshimder qala turǵyndary úshin qoǵamdyq kólikti paıdalanýdy jeńildetýge, qaýipsiz jáne qoljetimdi etýge baǵyttalǵan.
Plasıkalyq kartanyń ornyna - sıfrlyq format.
Endi balaǵa plasıkalyq kartany ózimen birge alyp júrýdiń qajeti joq — jol aqysyn tikeleı smartfon arqyly tóleýge bolady. Almaty qalasynyń oqýshylaryna arnalǵan jeńildikpen beriletin vırtýaldy kartany ata-analar óz telefondarynda ONAY! mobıldi qosymshasy arqyly onlaın rásimdeı alady. Proses tolyq avtomattandyrylǵan: ata-ana óz jáne balasynyń derekterin rastaıdy, sodan keıin júıe paıdalanýshynyń kelisimi negizinde qajetti aqparatty memlekettik derekter qorynan alady. Telefon joǵalǵan jaǵdaıda, akkaýntty qalpyna keltirýdi ONAY! qosymshasynda óz betinshe jasaýǵa bolady - qyzmet kórsetý ortalyqtaryna barýdyń qajeti joq.
Ekologıalyq áser jáne plasıkti azaıtý.
Jeńildikpen beriletin vırtýaldy kartalardyń iske qosylýy plasıkalyq kartalardy paıdalanýdy azaıtyp, qorshaǵan ortaǵa túsetin salmaqty tómendetýge múmkindik beredi. Sıfrlyq formatqa kóshý Almaty qalasynyń ekologıalyq turaqtylyq pen «jasyl» sıfrlandyrý maqsattaryn qoldaıdy, osylaısha qoǵamdyq kólik tek yńǵaıly ǵana emes, ekologıalyq «taza» da bola túsedi.
Qaýipsizdik jáne memlekettik sertıfıkattaý
Atalǵan jobalardy júzege asyrý barysynda ONAY! Qazaqstan Respýblıkasynyń Memlekettik tehnıkalyq qyzmeti arqyly aqparattyq qaýipsizdik salasynda synaqtan sátti ótti. Nátıjeler júıeniń tıisti deńgeıde qorǵalǵanyn jáne belgilengen talaptarǵa saı ekenin rastady. Bul ıntegrasıanyń memlekettik aqparattyq júıelermen qaýipsiz baılanysyn jáne paıdalanýshylar kelisimi negizinde derbes derekterdi alý múmkindigin qamtamasyz etti.
Barlyq vırtýaldy kartalarǵa arnalǵan jańa jol júrý abonementteri.
Oqýshylarǵa arnalǵan jeńildikpen beriletin vırtýaldy kartalarmen qatar ONAY! Almaty men Qaraǵandy qalalarynyń barlyq vırtýaldy kartalary úshin jańa jol júrý abonementterin iske qosty. Abonementti ONAY! mobıldi qosymshasy arqyly onlaın rásimdep, tólem jasaýǵa bolady. Bul sheshim jolaýshylarǵa kólik shyǵyndaryn aldyn ala josparlaýǵa jáne tańdaǵan merzim ishinde qoǵamdyq kólikti shekteýsiz paıdalanýǵa múmkindik beredi.
Áleýmettik mańyzy jáne damý josparlary.
Joba qoǵamdyq kóliktiń qoljetimdiligin arttyrýǵa, halyqqa qyzmet kórsetý ortalyqtaryndaǵy júktemeni azaıtýǵa jáne plasıkalyq kartalardy paıdalanýdy qysqartýǵa yqpal etedi. Bul óz kezeginde qalanyń turaqty damý men sıfrlandyrý maqsattaryn qoldaıdy. Pılottyq kezeń aıaqtalǵannan keıin ONAY! jobany basqa da jeńildik sanattaryna — stýdentter men zeınetkerlerge keńeıtýdi jáne basqa qalalarda engizýdi josparlap otyr. Kompanıa sonymen qatar sıfrlyq servısterdi damytyp, paıdalanýshylar tájirıbesin jetildirýdi jalǵastyrady.
