ONAY! الماتى قالاسى وقۋشىلارىنا ارنالعان جەڭىلدىكپەن بەرىلەتىن ۆيرتۋالدى كارتالاردىڭ پيلوتتىق جوباسىن ىسكە قوستى، سونداي-اق ۆيرتۋالدى كارتالار ءۇشىن جاڭا جول ءجۇرۋ ابونەمەنتتەرىن ۇسىندى. بۇل سيفرلىق شەشىمدەر قالا تۇرعىندارى ءۇشىن قوعامدىق كولىكتى پايدالانۋدى جەڭىلدەتۋگە، ءقاۋىپسىز جانە قولجەتىمدى ەتۋگە باعىتتالعان.
پلاستيكالىق كارتانىڭ ورنىنا - سيفرلىق فورمات.
ەندى بالاعا پلاستيكالىق كارتانى وزىمەن بىرگە الىپ ءجۇرۋدىڭ قاجەتى جوق — جول اقىسىن تىكەلەي سمارتفون ارقىلى تولەۋگە بولادى. الماتى قالاسىنىڭ وقۋشىلارىنا ارنالعان جەڭىلدىكپەن بەرىلەتىن ۆيرتۋالدى كارتانى اتا-انالار ءوز تەلەفوندارىندا ONAY! ءموبيلدى قوسىمشاسى ارقىلى ونلاين راسىمدەي الادى. پروسەسس تولىق اۆتوماتتاندىرىلعان: اتا-انا ءوز جانە بالاسىنىڭ دەرەكتەرىن راستايدى، سودان كەيىن جۇيە پايدالانۋشىنىڭ كەلىسىمى نەگىزىندە قاجەتتى اقپاراتتى مەملەكەتتىك دەرەكتەر قورىنان الادى. تەلەفون جوعالعان جاعدايدا، اككاۋنتتى قالپىنا كەلتىرۋدى ONAY! قوسىمشاسىندا ءوز بەتىنشە جاساۋعا بولادى - قىزمەت كورسەتۋ ورتالىقتارىنا بارۋدىڭ قاجەتى جوق.
ەكولوگيالىق اسەر جانە پلاستيكتى ازايتۋ.
جەڭىلدىكپەن بەرىلەتىن ۆيرتۋالدى كارتالاردىڭ ىسكە قوسىلۋى پلاستيكالىق كارتالاردى پايدالانۋدى ازايتىپ، قورشاعان ورتاعا تۇسەتىن سالماقتى تومەندەتۋگە مۇمكىندىك بەرەدى. سيفرلىق فورماتقا كوشۋ الماتى قالاسىنىڭ ەكولوگيالىق تۇراقتىلىق پەن «جاسىل» سيفرلاندىرۋ ماقساتتارىن قولدايدى، وسىلايشا قوعامدىق كولىك تەك ىڭعايلى عانا ەمەس، ەكولوگيالىق «تازا» دا بولا تۇسەدى.
قاۋىپسىزدىك جانە مەملەكەتتىك سەرتيفيكاتتاۋ
اتالعان جوبالاردى جۇزەگە اسىرۋ بارىسىندا ONAY! قازاقستان رەسپۋبليكاسىنىڭ مەملەكەتتىك تەحنيكالىق قىزمەتى ارقىلى اقپاراتتىق قاۋىپسىزدىك سالاسىندا سىناقتان ءساتتى ءوتتى. ناتيجەلەر جۇيەنىڭ ءتيىستى دەڭگەيدە قورعالعانىن جانە بەلگىلەنگەن تالاپتارعا ساي ەكەنىن راستادى. بۇل ينتەگراسيانىڭ مەملەكەتتىك اقپاراتتىق جۇيەلەرمەن ءقاۋىپسىز بايلانىسىن جانە پايدالانۋشىلار كەلىسىمى نەگىزىندە دەربەس دەرەكتەردى الۋ مۇمكىندىگىن قامتاماسىز ەتتى.
بارلىق ۆيرتۋالدى كارتالارعا ارنالعان جاڭا جول ءجۇرۋ ابونەمەنتتەرى.
وقۋشىلارعا ارنالعان جەڭىلدىكپەن بەرىلەتىن ۆيرتۋالدى كارتالارمەن قاتار ONAY! الماتى مەن قاراعاندى قالالارىنىڭ بارلىق ۆيرتۋالدى كارتالارى ءۇشىن جاڭا جول ءجۇرۋ ابونەمەنتتەرىن ىسكە قوستى. ابونەمەنتتى ONAY! ءموبيلدى قوسىمشاسى ارقىلى ونلاين راسىمدەپ، تولەم جاساۋعا بولادى. بۇل شەشىم جولاۋشىلارعا كولىك شىعىندارىن الدىن الا جوسپارلاۋعا جانە تاڭداعان مەرزىم ىشىندە قوعامدىق كولىكتى شەكتەۋسىز پايدالانۋعا مۇمكىندىك بەرەدى.
الەۋمەتتىك ماڭىزى جانە دامۋ جوسپارلارى.
جوبا قوعامدىق كولىكتىڭ قولجەتىمدىلىگىن ارتتىرۋعا، حالىققا قىزمەت كورسەتۋ ورتالىقتارىنداعى جۇكتەمەنى ازايتۋعا جانە پلاستيكالىق كارتالاردى پايدالانۋدى قىسقارتۋعا ىقپال ەتەدى. بۇل ءوز كەزەگىندە قالانىڭ تۇراقتى دامۋ مەن سيفرلاندىرۋ ماقساتتارىن قولدايدى. پيلوتتىق كەزەڭ اياقتالعاننان كەيىن ONAY! جوبانى باسقا دا جەڭىلدىك ساناتتارىنا — ستۋدەنتتەر مەن زەينەتكەرلەرگە كەڭەيتۋدى جانە باسقا قالالاردا ەنگىزۋدى جوسپارلاپ وتىر. كومپانيا سونىمەن قاتار سيفرلىق سەرۆيستەردى دامىتىپ، پايدالانۋشىلار تاجىريبەسىن جەتىلدىرۋدى جالعاستىرادى.
